ПУТИН ДӨНЬЯДАГЫ ИҢ МАТУР УРЫННЫ АТАДЫ

Россия Президенты Владимир Путин дөньяның иң матур урын дип Камчатканы атады. Бу турыда үзенең фикерләрен ул Көнчыгыш икътисад форумында җиткерде. 

Президент фикеренчә, ярымутрау – илебезнең бриллианты, "үз гомеремдә андый матур җирләрне күргән юк", – ди ул. Шулай ук, Владимир Путин хәйрия чаралары оештыручы Россиядәге бердәнбер вулканнар музеена материаль яктан ярдәм итәргә сүз бирде. 

"Вулканариум" музеена нигез салучы Сергей Самойленко форум барышында музейга ярдәм кирәклеге турында сөйләде, чөнки музей иҗтимагый чаралар, чыганаклар ярдәмендә генә яши, ә мондый музейның яхшы эшчәнлеге өчен дәүләт ярдәме кирәк.