МАЙ 2019

24 май 2019
Уку елы азагы якынлашкан саен, контроль эш, имтиханнардан курку, иртәгәсе көн өчен борчу арта гына барган мәлдә бер кич тынычлап утырырга, ял итәргә киңәш итәм. Без исә сиңа ярдәм итәрбез. Киттек! Аш бүлмәсенә чыгып үзеңә кайнар чай яки какао яса. Каһвәне имтиханнарга әзерләнеп уза торган төннәр өчен калдыр. Лимонлы йә мәтрүшкәле кайнар чәйдән дә тәмлерәге булмас. Чәең әзер булса, "Ялкын"ның май санын кулыңа ал. Бу санда сине үрнәк булырдай шәхесләр белән танышу көтә. Гадәттә, без сиңа язмаларга анализ, спойлер ясыйбыз. Бүген исә кайсы биттә нинди язма урнашуы хакында гына әйтеп китәм. "Тышлыкта кем?" рубрикасында сине Рудия Габдуллина исемле матур, сөйкемле КӨРӘШЧЕ кыз белән очрашу көтә. Шәхес рубрикасында берьюлы ике сугыш ветераны белән таныштырырбыз. Яу кырында югалган һәм 35 елдан соң табылган дуслар турында да укый аласыз. Кулъяулыгыңны әзерләп куй. 10-11нче битләрдә инкубатор ясап чеби чыгару белән шөгыльләнә торган Аяз Гарипов турында яздык. Өй шартларында 130 чебине ни рәвешле чыгарырга дигән сорауга җавар та таптык. 12-13нче биттә ШТК уйнаучы, татарча мәзәк сөйләп Республика күләмендә танылу алган яшьләр белән таныштырабыз. Тәҗрибә рубрикасы да игътибарсыз калмады. Имтиханга әзерләнү лайфхаклары, дөрес кызыну серләре, Татарстанда ял итү зоналары турындафикер алыштык. Әти-әнинең акчасы җитмәгәндә нишләргә, баланың телефонында пароль булганда нишләргә дигән сорауларга җавап эзләп таптык. Бәхәсле язмалар саны да бу санда күбрәк. БДИдан качу ысуллары һәм аларның ни дәрәҗәдә актуаль булуы турында да сөйләштек. Бер атна пластиксыз яшәп карадык (эксперимент нәтиҗәләрен журнал битләрендә күрә аласыз). Басма матбугатның, аерым алганда "Ялкын" журналының киләчәге булу-булмау турында да язучы булды. 8-9нчы битләрдә тату мәсьәләсен кузгатырбыз. Бик бәхәсле язма. Ачып кара әле. Синең дә фикереңне беләсе килә. Журналыбызны укыган арада имтиханнар турында да, мәктәптәге хәлләрне дә, көндәлек мәшәкатьләрне дә онытып торырсың. Башың ял итәчәк, чын әйтәбез. Иң мөһиме, онытылып китеп, чәеңне суытып бетермә. Чәй кайнар вакытта тәмле. Чәең кайнар, "Ялкын"лы кичең күңелле булсын! Яратып, Чаткы Ялкынлы
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1377
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1181
    1
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    768
    0
    10

Блоглар