13 октябрь 2022 яңалыклары

14-15 октябрьдә Казанда Идел буе дәүләт физик культура, спорт һәм туризм университетының концертлар залында “Наше время – Безнең заман” эшләүче яшьләрнең 10-нчы ачык республика телевизион иҗат фестиваленең өченче сайлап алу этабы узачак. Ул Казан һәм Яшел Үзән зоналарыннан 600 катнашучыны җыячак. Алар суперфиналга эләгү өчен көрәшә.

26 октябрьдән башлап, 30 октябрьгә кадәр Казанда Халыкалара заманча мөселман мәдәнияте яшьләр фестивале узачак.  Чара кысаларында белгечләрдән остаханәләр һәм лекцияләр, белем бирү һәм күңел ачу программасы каралган. Фестиваль Гала-концерт белән тәмамланачак.