БИЕРГӘ ЯРАТУЧЫЛАР ӨЧЕН ШӘП МӨМКИНЛЕК!

21-23 ноябрьдә Түбән Кама, Яр Чаллы һәм Әлмәттә «БиЮ»нең бушлай дискотекалары узачак. Республиканың танылган диджейлары һәм әлеге юнәлеш белән кызыксынучы яшүсмерләр үзләренең кайнар сетлары белән шатландырачак. Программада шулай ук иҗади остаханәләр һәм уеннар да була.

Кайчан барып, күреп булачак соң?

21 ноябрь, Түбән Кама шәһәре: 17:00-20:00, «База» иҗади индустрияләр үзәге

22 ноябрь, Яр Чаллы шәһәре: 18:00-20:00, «Шатлык» яшьләр үзәге

23 ноябрь, Әлмәт шәһәре: 17:00-20:00, «Фабрика» яшьләр үзәге

Чара кунаклары өчен вакытны кызыклы итеп уздыру 100 процент гарантияләнгән. Мәсәлән, Әлмәттә китап битләре араларына куя торган кыстыргычлар, сәйләннән бизәнгечләр ясау буенча остаханәләре узачак.  Тубән Камада исә косичка сырын ясый, шопперларны бизи алачаксыз. Ә Яр Чаллыда яшәүчеләргә килгәндә, алар «Алдынгылар хәрәкәте» белән берлектә стильле фотозонада матур сурәтләргә төшәргә һәм трендта булган видеолар ясарга мөмкиннәр.

Чарага керү бушлай, бары тик теркәлергә генә кирәк.

Искәртеп узабыз, җәй көнне «БиЮ» кичәсе Казанда, Әлмәттә, Түбән Камада, Биектауда һәм Байлар Сабасында уздырылды. Биредә барысы 8000нән артык кеше катнашты!

Чараны «Алдынгылар хәрәкәте» һәм Scratch DJ School белән берлектә «ПОВ» медиасы оештыра.

Фото: Freepik.com