УДМУРТ, ЧУВАШ, МОРДВА ТЕЛЛӘРЕННӘН ОЛИМПИАДАДА КҮПМЕ КЕШЕ КАТНАША?

Татарстанда чуваш, удмурт, мари, мордва телләреннән республика олимпиадасы башланып китә. Анда барлыгы ничә кеше катнаша?

21-23 декабрь көннәрендә “Дуслык” сәламәтлек һәм белем бирү комплексы базасында туган телләр буенча республкакүләм  олимпиаданың йомгаклау этабы  башланып китә. Укучылар чуваш, удмурт, мари, мордва телләре һәм әдәбиятыннан белемнәрен күрсәтәчәк.

Олимпиаданың максаты – сәләтле укучыларны ачыклау, аларның талантларын үстерү, туган тел һәм әдәбият дәресләрен камилләштерү.

Анда Татарстанның 17 муниципаль районыннан 9-11 сыйныф укучылары катнашачак. Барлыгы 110 бала килер дип көтелә.

Нәтиҗәләр 23 декабрь көнне ясалачак. Тантаналы бүләкләү чарасы да шул көнгә планлаштырыла.