«СОЮЗМУЛЬТПАРК»ТА «МУЛЬТФИЛЬМ ГЕРОЕ» БӘЙГЕСЕ ҖИҢҮЧЕЛӘРЕ БҮЛӘКЛӘНДЕ

Халыкара балаларны яклау көнендә «Салават күпере», «Сабантуй» журналлары редакцияләре «Союзмультпарк» белән берлектә оештырылган «Мультфильм герое» балалар рәсемнәре бәйгесенең җиңүчеләрен бүләкләде. Бүләкләү тантанасы Казанның «Союзмультпарк» күңел ачу үзәгендә узды.

Март аенда «Салават күпере» һәм «Сабантуй» журналларында балалар өчен иҗади бәйге игълан ителде. Бәйге шарты буенча, кечкенә катнашучылар үзләре яраткан мультфильм геройларының рәсемнәрен ясарга тиеш иде. «Мультфильм герое»нда катнашырга 200 эш кабул ителгән, шуларның 20се исә бүген җиңүче исеменә лаек булды. Аларга дипломнар тапшырылды һәм мультфильм геройлары, анимация дөньясына чуму мөмкинлеге бирелде.