КАЗАНДА БӨТЕНРОССИЯ ЯШЬЛӘР ФОРУМЫ УЗДЫРЫЛА

9 декабрьдә Казанда коррупциягә каршы көрәш буенча Бөтенроссия яшьләр форумы старт ала. Форум коррупция белән көрәшүнең яңа механизмнарын эзләү максаты белән оештырыла. Чара IT-паркта узачак дип хәбәр ителә. Форумның кунаклары – ТР сәламәтлек саклау министры урынбасары Владимир Жаворонков, Иннополис шәһәре мэры Руслан Шагалиев һәм «Урам» экстрим-паркы җитәкчесе Мария Крюкова.

Форумда Татарстаннан, Мурманск, Воронеж һәм Ульяновск өлкәләреннән 250 кеше катнашачак. Чарада тематик юнәлешләр буенча мәйданчыклар эшләячәк. Шулай ук параллель рәвештә яшьләрнең коррупциягә каршы проектлары лабораториясе дә узачак. Алар арасыннан иң яхшылары 20 мең сумнан 40 мең сумга кадәр грант алачак.