«ЕХАЛИ ТАТАРЫ»: АЛЬТЕРНАТИВ МУЗЫКА – АЛЬТЕРНАТИВ СЕРИАЛ

Салават Юзеев һәм Yummy Music лейблы бәйсез татар инди-музыкасы турында «Ехали татары» дип аталган веб-сериал тәкьдим иттеләр.

Сериал – татар телендә рок, рэп, инди-фолк уйнаучы музыкантлар, музыкаль төркемнәр турында. Премьерада тәкъдим ителгән серияләр Рәдиф Кашапов, Зәринә Вилданова, Усал кебек музыкантлар һәм Gauga,  JUNA төркемнәренә багышланган. Татар альтернатив музыкасының асылы нидә? Татарлар аны тыңларга әзерме? Ул яшәячәкме? Серияләр дәвамында музыкантлар менә бу сорауларга җавап бирергә тырыштылар.

Сез дә сериалны Yummy Music ютуб каналында карый аласыз.