«БЕЛЕМ ҖӘЕ» – УКУЧЫ ҺӘМ СТУДЕНТЛАР ӨЧЕН БУШЛАЙ ЦИФРЛЫ КОНТЕНТ

Цифрлаштыру елында мәктәп укучылары, көллият һәм техникум студентлары өчен «Белем җәе» дигән бушлай цифрлы контент булдырылды. Анда балалар өчен 100ләп бушлай материал әзерләнгән, укыту интерактив һәм уенлы рәвештә үтә. Бу проект кысаларында укучылар мөстәкыйль рәвештә ТДИ, БДИ һәм олимпиадаларга әзерләнә алачак.

Әле моның белән генә бетми. Җәй беткәнче укучылар Pythonда программалаштыруга, финанс грамоталылыкка һәм халык алдында чыгыш ясау күнекмәләренә өйрәнә ала. Теләгән очракта порталда шахмат уеннары курсын да үтәргә була. Махсус материаллар шулай ук мөмкинлекләре чикләнгән балалар өчен дә булдырылган. Курслар 1 сентябрьгә кадәр ачык. Каталог белән биредә танышырга мөмкин.