ТАШКИЧҮДӘ КИТАП БӘЙРӘМЕ УЗДЫ

Безнең Ташкичү мәктәбендә күңелле очрашу кичәсе булды. Без шагыйрь Рөстәм абый Зәкуанов белән очраштык. Ул мәктәпкә меңнән артык китап алып килгән.


Китапларны күргәч бик сөендек. Алардан килгән тәмле  буяу исен исни-исни төргәкләрне чиштек. Китаплар арасында татар, рус, чит илләрнең матур әдәбияты, публицистик әсәрләр, төрле фәннәрдән ярдәмлекләр, сүзлекләр, бала тәрбияләү һәм төрле кул эшләре буенча китаплар, сканвордлар һәм  нәниләр өчен буяу  китаплары да бар иде. Бүләк ясаучылар барлык яшьтәге  балаларны да куандырырга уйлаганнар ахрысы.


ТАШКИЧҮДӘ КИТАП БӘЙРӘМЕ


Килгән кунаклар арасында якташыбыз, Габдулла Тукайның  дүртенче  буын  туганы, журналист Риман абый Гыйлемханов та бар иде. Ул кайбер истәлекләрен сөйләде.


Арча муниципаль район башлыгының социаль мәсьәләләр буенча урынбасары Рамил Гарифҗанов безгә, укучыларга, тырышып укырга, киләчәктә илебезнең лаеклы алмашчылары булырга кирәклекне тагын  бер кат искә  төшерде.


ТАШКИЧҮДӘ КИТАП БӘЙРӘМЕ


Кичәгә без дә ныклап әзерләнгән идек. Туган тел, туган ил, китап турында үз фикерләребезне җиткердек.  Габдулла Тукай, Хәкимҗан Халиков, Рөстәм Зәкуанов  шигырьләрен сөйләдек, китапны  зурлап  җырлар  башкардык.


Бу очрашуны безнең өчен "Таттелеком" оешмасы уздырды. Кичәне йомгаклап, мәктәбебез директоры И.И. Гибадуллин, китаплар өчен шул оешманың директоры Лотфулла абый Шафигуллинга, килгән кунакларга зур рәхмәтен җиткерде.


ТАШКИЧҮДӘ КИТАП БӘЙРӘМЕ


Сүземне тәмамлап, минем дә оештыручыларга зур рәхмәтемне  җиткерәсем килә. Изге эшләрегез үзегезгә иксез-чиксез игелек булып кайтсын иде!


Алсу Касыймова


Арча районы Ташкичү мәктәбе

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    689
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    544
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    342
    0
    0

Блоглар