ҮЗ КӘЕФЕБЕЗНЕ ҮЗЕБЕЗ КҮТӘРӘБЕЗ – 5 ЫСУЛ

Кәеф Каф таулары артына качканда, беләсезме, нишләргә кирәк? Безнең киңәшләргә колак салырга, әлбәттә! ;-)

Әлеге гади техникалар кәефне күкнең җиденче катына менгерергә ярдәм итәр!

  • Кәефеңне төшергән нәрсәне кәгазь битенә яса. Начар кәефеңне кеше кыяфәтендә дә, куркыныч зат итеп тә, абстракт формада да ясый аласың. Ә аннан кәгазьдән очкыч ясыйбыз һәм аны тәрәзәдән очрабыз (чүп савытына да очырырга була!).

  • Өскә таба тартылабыз. Умыртка сөяген турайтып, кулларны өскә сузып, кояшка таба тартылабыз. Күз алдыңа китер, синең баш очыңда – таҗ (корона). Синең кебек патшабикә (патшага) юк-барга игътибар итеп, моңаеп утыру килешми! ;-)

  • Дустыңны, туганыңны яки күршедәге әбине берәр тәмле әйбер белән сыйла. Җавап итеп, “рәхмәт” ишетерсең һәм елмаюлы караш күрерсең. Ә инде якын-тирәдә берәү дә юк икән, үз-үзеңне сыйла. Һәм рәхмәт әйтергә дә онытма.

  • Көзгегә карап, үзең-үзеңә елмай. Бәлки, башта елмаясы да килмәс. Тик син бирешмә. Без елмайганда организм автомат рәвештә бәхет гармоны бүлеп чыгара. Урамда очраучыларга елмаеп кара. Берәрсе сиңа да елмаеп җавап бирер.

  • Әйдә, мәгънәсез шигырь язабыз. Нәрсә күрәсең, шул сүзгә рифма уйлап тап. Китап! Кораб! Күлмәк! Чүлмәк! Шигырең абсурдрак булган саен, елмаерга сәбәп тә күбрәк булыр.


P.S. шулай итеп үз кәефеңне үзең күтәрмәсәң монда-аа-аа! ;-)
 Ә син кәефең төшкән чакларда аны күтәрү өчен нинди ысуллар кулланасың? Язып җибәр!

Зилә САБИТОВА әзерләде


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1485
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    488
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    458
    0
    0

Блоглар