КӨЗГЕ ЯҢГЫРЛЫ КӨННӘРДӘ...

Көзге салкын, яңгырлы көннәрдә була торган киеренкелекле ничек бетерергә? Ничек иртәләрен елмаеп, яхшы кәеф белән уянырга һәм көнне дә шундый ук рухта уздырып җибәререгә? 

Яңгыр, салкын һава торышы, пычрак юллар, уку... Күп кеше көзге көннәрдә хәлсезлек тоя.

Медитация

Бу сүзне ишетүгә, күп кеше йоганы күз алдына китерә. Медитация өчен мантралар әйтергә дә, аерым бертөрле позаны алырга да һәм махсус авазлар чыгарырга да кирәкми. Нибары әлеге процессны үзең белән “күзгә-күз” очрашу, уйларыңны тәртипкә китерү итеп кабул итү дә җитә. Берәү дә комачауламый торган, тыныч һәм иркен урынны табып, шунда урнаш. Башыңны артык-портык уйлардан арындырырга тырыш. Беренче чорда мондый сеансларны 5-10 минут дәвамында уздырсаң, акрынлап вакытны озынайтырга мөмкин. Тикшеренүләр барышында медитациядән соң стресс гормоны – кортизолның канда кимүе ачыкланган.

Саф һавада йөрү



Ялгыз гынамы, дустыңны беләнме, әллә этеңне ияртепме – анысы мөһим түгел. Саф һавада көненә 30 минут булса да йөреп керү киеренке халәттән котылырга, башны “җилләтергә” ярдәм итәр. Сүз уңаеннан, мондый “йөреп керү”ләр сәламәтлек өчен дә бик файдалы.

Йорт хайваннары

Галимнәр шундый нәтиҗәгә килгән: йорт хайваннары булган кешеләр стресска аз бирешүчән һәм эмоцияләрен контрольдә тота торган була икән.

Музыка


2013 елда уздырган тикшеренүләр мондый нәтиҗәгә китергән: музыка тыңлау стрессны киметә һәм курку халәтен бетерә. Урамда йөргәндә яки укырга (эшкә) барганда яраткан җырчыңны тыңла. Көнең дә күтәренке рухта узар.

Ә сез көзге хәлсезлек белән ничек көрәшәсез, бүлешегез әле!?

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    869
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    826
    0
    1
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    568
    0
    0

Блоглар