“Нур”дан – “Тарихи мизгелләр”

1 июнь, Халыкара балаларны яклау көне уңаеннан, М. Сәлимҗанов исемендәге Актерлар йортында “Тарихи мизгелләр” татарча спектакле була. Аны “Нур” балалар театр студиясе куя. Әлеге постановканы Татарстан Икътисад министрлыгының грант ярдәме белән оештыралар.

 - Без бөтен нәрсәне дә хәтердә саклый алмыйбыз. Ләкин узган вакыйгаларның мизгелләрнен хәтерлибез... Постановкада безнең 19 укучыбыз катнаша, аларның һәрберсенең үз образы, үз тарихы. Спектакльдә әле күптән түгел генә студиядә шөгыльләнә башлаучылар да уйный, – ди спектакль режиссеры Марсель Мәхмүтов.

“Тарихи мизгелләр” – сугыш елларындагы тормыш турында балалар хатирәләре хроникасы. Бу – сугышның дәһшәтле моментлары, балачак, дуслык, якын кешеләр белән аралашу җылысы турындагы балалар хатирәләре. “Мизгелләр” нигезендә татар шагыйрьләре әсәрләре белән үрелеп барган тарих ята.

Режиссеры – Марсель Махмутов
Педагог-консультант – Ләйлә Сәлахетдинова
Сәхнә теле укытучысы – Татарстанның атказанган артисты Инсаф Абдулла
Композитор – Зөлфәт Вәлиуллин

Студиянең сәнгать җитәкчесе – Россиянең атказанган, Татарстанның халык артисты Наилә Гәрәева.
Белешмә:

«Нур» балалар татар театр студиясе 2012 елда Татарстанның Театр әһелләре берлеге тәкъдиме белән ачыла. 7 ел дәвамында аның укучылары үзләрен төрле юнәлештә күрсәтә. “Нур” тәрбияләнүчеләрен телевидение экраннары аша, татар артистлары клипларында, Камал театры спектакльләрендә күреп була.

2015 елда алар – Абдулла Алишның «Сертотмас үрдәк», 2016 елда Антуан де Сент-Экзюпериның «Кечкенә принц» спектакльләрен куя. 2017 елда “Чарли һәм шоколад фабрикасы” әсәрен сәхнәләштерәләр.

Кайчан: 1 июнь


Башлана: 19.00


Керү: чакыру кәгазе белән

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    910
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    650
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    555
    0
    0

Блоглар