БӨЕК ҖИҢҮГӘ БАГЫШЛАНГАН МАХСУС ПРОЕКТ: НӘРСӘ УЛ?

Бөек Ватан сугышында Җиңүнең 75-еллыгын бәйрәм итәргә берничә ай калды. Шул уңайдан, Татарстанның Яшьләр эшләре министрлыгы “Җиңү турында 75 факт” дигән проектын башлап җибәрә. 24 февраль – 9 май аралыгында көн саен Бөек Ватан сугышы һәм Совет халкының батырлыклары  турында төрле фактлар пәйда булачак.

Әлеге проектның башлану вакыты да юкка гына сайлап алынмаган. 24 февральдән, Җиңүне бәйрәм итәргә нәкъ 75 көн вакыт кала.

Шушы проект вакытында Яшьләр министрлыгының социаль челтәрләрендә, сайтында төрле фактлар урын алачак. Шулай итеп, яшьләргә сугыш китергән югалтуларның масштабын, Совет халкының батырлыгын кабаттан күрсәтергә телиләр. “Җиңү турында 75 факт” хәтерне кабаттан яңартырга, тарихи вакыйганың никадәр зур бәягә ия икәнлеген күрсәтергә мөмкинлек бирәчәк.

Дамир Фәттахов, Татарстан яшьләр эшләре министрлыгы:

– Истә тотар өчен, белү кирәк. Шуңа да без сугыш турында ачык һәм дөрес итеп сөйләргә кирәк, дип саныйбыз. Шулай итеп, безнең халкыбыз, бабаларыбыз нәрсә аша узганын, нинди көч һәм корбаннар таләп иткәнен, безгә тормыш һәм аяз күк йөзе бүләк иткән Җиңү турында сөйләячәкбез.

Әлбәттә, бу проект 9нчы май белән генә тәмамланып калмаячак, ул дәвам итәчәк. Аннары министрлык тарихчылар белән бергә махсус мәгълүмати-мәгърифәтчелек проектын башлаячак. Ул быелгы балалар лагерендагы профильле сменалар программасына керәчәк. Шулай ук яшьләр үзәкләре, яшүсмер клублары мәйданчыкларында да кулланылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    815
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    769
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    648
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019