БЛОГ АЛЫП БАРУ СЕРЛӘРЕ БЕЛӘН ТАНЫШАБЫЗ

Бүгенге көндә блогингны үстерүгә күп игътибар бирелә. 16 июльдән 7 августка кадәр Черек күлдә нәкъ шушы юнәлешкә багышланган лекциялар узачак. Хәзер шулар турында тулырак.

24 июль көнне 18:00да Миләүшә Хакимова чыгышы планлаштырыла. Ул – блогер һәм татар брендларының амбассадоры. Миләүшә «харизмалы татар кызы» буларак, зур аудитория җыю серләре һәм брендлар белән коллаборацияләр эшләү турында сөйләячәк.

29 июль көнне 18:00дә стилист, блогер Җәннәт Минһаҗева белән очрашу татар мәдәни кодын һәм моданы интерграцияләү турында булачак.

7 август 18:30да «Че гуглит татар кызы» төркемен булдыручы, Идел журналының шеф-редакторы Динара Зиннәтова белән очрашу көтелә. Ул блогта татар мәзәкләрен куллану турында сөйләячәк.

Әлеге чаралар «Блоги на родных языках» проекты кысаларында оештырыла.