Барлык һөнәрләр дә яхшы, ә кем булырга?

Җир йөзендә нинди генә һөнәрләр юк: пешекче, хисапчы, табиб, китапханәче, тәрбияче, укытучы, рәссам һәм башкалар. Шулай да, күпчелек яшьләр һаман юрист, менеджер, икътисадчы белгечлекләренә тартылалар. Укуын тәмамлаганнан соң, кызганычка каршы, күбесе эш таба алмый. Ә менә эшче һөнәрләргә исә ихтыяҗ беркайчан да кимеми. Киресенчә, пешекче, тегүче, эретеп ябыштыручы, слесарь, электрик, авыл хуҗалыгы белгечләренә бүгенге көндә сорау аеруча зур. Эшче һөнәрләрнең дәрәҗәсен күтәрү, яшьләрдә аларга карата кызыксыну уяту, яңа технологияләрне үзләштерү, предприятияләр өчен таләп ителгән һөнәрләрне үстерү – болар барысы да бүгенге көндә заман таләбе булып тора. Шуңа күрә, 2019 ел Татарстанда Эшче һөнәрләр елы дип игълан ителде.

Арча район балалар китапханәсендә уздырылган «Барлык һөнәрләр дә яхшы, барлык һөнәрләр кирәк» дип исемләнгән чара да Эшче һөнәрләр елы ачылуга багышланган иде. Анда Арчаның 1нче номерлы урта мәктәбенең 5 “А” сыйныфы укучылары катнашты. Алар эшче һөнәрләр турында бик күп яңа һәм файдалы мәгълүмат белделәр, күңелле уеннарда, конкурсларда катнаштылар.



Шулай ук, алар өчен татар халкының милли баш киемнәре – калфак һәм түбәтәй тегү остасы Гөлгенә Хәсәнова һәм агач буенча кисеп эшләү остасы Нияз Миңнемуллин белән очрашу да оештырылды. Гөлгенә Гарифулловна кызларга үзе теккән һәм чиккән мәрҗәнле калфаклар, түбәтәйләр, бизәкле күкрәкчәләр күрсәтте,  аларны эшләү тәртибен аңлатты. Кызлар бик кызыксынып, Гөлгенә апаларыннан тегү һәм чигү серләрен сораштылар. Ә малайлар өчен Нияз Рәшитович агач буенча кисеп эшләгән төрле сыннар, кашыклар, аш-су эшләрендә куллана торган такталар, тартмачыклар тәкъдим итте. Боларның барысын да балалар ясаган әйберләр икәнлеген белгәч, малайлар агачтан кисеп эшләү түгәрәгенә язылырга теләкләрен белдерделәр. Үз эшләренең остасы булган кешеләр белән очрашу укучылар өчен кызыклы һәм файдалы булды.

Эш кешегә яшәү өчен акча гына биреп калмый, ул аның тормышын кызыклырак итә, аның сәләтләрен ачарга мөмкинлек бирә. Бу, әлбәттә, эшеңне яратып эшләгән очракта гына була. Шуңа күрә, һөнәр сайлаганда үз мөмкинлекләреңне, сәләтеңне, кызыксынучанлыкны һәм һөнәрнең тормышта кирәкле булуын исәптә тотарга кирәк.

 

Гөлназ Рамил кызы Шакирҗанова,
Арча Үзәкләштерелгән китапханәләр системасы Район балалар китапханәсе китапханәчесе.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4647
    0
    88
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3700
    0
    33
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3587
    0
    36

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019