УКУЧЫЛАРЫБЫЗ ИҖАТЫ - Гөлназ Сөнгәтуллина

***


Югаласым килә кереп болытларга,
Ак мамыкта килә уйныйсым.
Җир йөзендә булган газапларны
Бер генә дә килми уйлыйсым.

Бураннарда адашасым килә,
Айкаласым килә дулый-дулый.
Сынар өчен килгән хәсрәтләрдән
Җан арыган чакта елый-елый.

Аклык булып җиргә явасылар килә
Күңелләргә салып иман нурын.
Бер гөнаһсыз сабый бала булып
Табар өчен изге Аллах юлын.

 

***


«Әнием!» дип ике кызым
Һәр көн саен каршы ала.
Күңелләрем тулганда да,
Алар миңа шифа-дәва.

Йомшак кына куллар белән
Чәчләремнән назлый, сыйпый.
«Беркемгә дә бирмим», - диеп
Колагыма рәхмәт укый.

Сабыйларым, күз нурларым!
Сез бит минем сулар һавам.
Бәхетләрен өеп бирче
И, Я, Раббым, газиз Аллам!

 

Ак хыял


Мөмкин булса, очар идем күккә,
Уйнар идем кереп болытка.
Явар идем ләйсән яңгыр булып,
Очар идем кошлар булып та.

Мөмкин булса, менәр идем айга,
Бирешмичә салкын җиленә.
Ак кар булып җиргә явар идем,
Аклык өстәп туган җиремә.

Мөмкин булса, кояш нурларыннан,
Үрер идем сина ак келәм.
Бу бары тик чынга ашмый торган,
Ак хыяллар гына бит, беләм.

Сөнгәтуллина Гөлназ, Кайбыч районы, Олы Кайбыч авылы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    801
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    449
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    125
    0
    0

Блоглар