22 июнь 2022 яңалыклары

«Җиңү буяулары» проекты кысаларында Казан һәм илнең башка шәһәрләренең яшь рәссамнары Бөек Ватан сугышы ветераннарының портретларын ясап, аларны фронтовикларның үзләренә тапшыра. Әлеге Татарстан Яшьләр хөкүмәте активистлары проекты республика Ветераннар советы һәм ТР Яшьләр министрлыгы белән берлектә Казанның комплекслы социаль хезмәт күрсәтү үзәге ярдәмендә тормышка ашырыла.

Чыгарылыш сыйныфлар имтиханнарын биреп бетерделәр, хәзер тагын бер сынау узарга кирәк. Әйе, алар югары уку йортларына керергә әзерләнәләр. 20 июньнән КФУның филология һәм мәдәниятара багланышлар институты үзенең кабул итү кампаниясен башлап җибәрде инде.

20-25 июньдә Г.Кариев исемендәге Казан Татар дәүләт яшь тамашачы театрында IV «Tamga» лабораториясе уза. Бу елгы «Tamga»ның темасы – шигърият. Режиссерлар Дәрдемәнд, Муса Җәлил, Зөлфәт, Роберт Әхмәтҗанов, Наис Гамбәр иҗатына мөрәҗәгать итәчәк.