ЯШЬЛӘР ПАРЛАМЕНТЫН НИ БОРЧЫЙ?

Быелның көзендә формалашкан Татарстан Дәүләт Советы каршындагы Яшьләр парламенты тулы куәтенә эшли башлады. Аның икенче утырышында 2020 елга эш планы кабул ителде.

14 декабрьдә Яшьләр парламентының икенче утырышы узды. Аның барышында “Депутатлыкка яшь кандидатлар” белем бирү проектын булдыру тәкъдиме белән чыктылар. Шулай итеп, әлеге проект ярдәмендә республика муниципаль районнарының җирле үзидарәләре органнарына депутатларны шактый иртә әзерли башларга җыеналар. Бу тиктомалга барлыкка килгән сәбәп түгел, әлбәттә. Чөнки 2020 елда муниципаль сайлаулар көтелә. Шушы проект ярдәмендә сайлауларда катнашырга теләгән яшьләрне гражданнар мөрәҗәгатьләре белән эш итәргә, закон булдыру эшчәнлеге, ораторлык осталыгына өйрәтергә җыеналар.

Быел күп кенә яшь әниләр Яшьләр парламенты рәисе Нина Шиминага прописка буенча беркетелмәгән территориядә балалар бакчасы, мәктәпкә урнашу механизмнарын ачык итеп эшләүне үтенгән.

– Гариза тапшырган һәм әзерлек курсларына йөргән балаларны мәктәпкә кабул итүдән баш тарту турында йөздән артык мөрәҗәгать килде. Кабул итмәүнең сәбәбен аңлатып тормаганнар. Бүген беркетелгән территориядә яши торган балаларны мәктәпкә мәҗбүри рәвештә кабул итү турында закон бар. Әмма шундый вәзгыять тә күзәтелә. Еш кына бер мәктәпкә 20 йорт беркетелә, кайберәүләргә – бары тик икәү генә. Һәм монда 100 вакант урынга пропискасы буенча уза торган 7 балага гына урын бар. Калган 93 баланы ничек кабул итүләре билгесез, – ди Нина Шимина.

Әлеге мәсьәләне хәл итү өчен Татарстан Дәүләт Советы рәисе Фәрит Мөхәммәтшин электрон чират программасын булдыруны тәкъдим итә. Бу программа Мәскәү шәһәрендә укучыларны мәктәпкә кабул иткәндә нәтиҗәле булуын күрсәткән. Электрон чират директорларга кемне кабул итүне хәл итәргә мөмкинлек бирми, әзерлек курсларының мәҗбүри түгел икәнлеге турында әти-әниләргә хәбәр итә. Моннан тыш, баланың теге яки бу мәктәпкә керү-кермәве турында ярты ел алдан билгеле була.

Шулай ук утырыш вакытында снюсларны сатуны тыю турындагы закон проектын, аны тыю өчен тиешле чикләүләрне булдыруда Яшьләр парламенты катнашуы мәсьәләсе дә күтәрелде. Моннан тыш, Яшьләр парламенты 2020 елга планнарын билгеләде, аның әгъзалары өчен нәтиҗәлелек критерийлары булдырылуы турында да сөйләделәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    955
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    824
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    796
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019