«АЛТЫН КАЛӘМ» XXIX ФЕСТИВАЛЕ ГАРИЗАЛАР КАБУЛ ИТӘ!

«Алтын каләм – Золотое перо» XXIX Республика балалар, яшүсмерләр һәм яшьләр матбугаты фестиваленә гаризалар кампаниясе ачык дип игълан ителә. Анда Татарстан Республикасында яшәүче һәм медиа өлкәсендә эшчәнлек алып баручы 14 яшьтән 24 яшькә кадәрге яшьләр катнаша ала.

«Проектның яңа сезонын инде гадәти форматта ике юнәлеш буенча эшлибез: мәктәп укучылары, һөнәри белем бирү оешмалары студентлары катнаша ала торган традицион индивидуаль номинацияләр һәм аерым юнәлеш – югары һәм һөнәри белем бирү оешмалары медиаүзәкләре. Узган ел яңартылган формат яхшы нәтиҗә күрсәтте. Өч медиаүзәк бездән үз бергәлекләрен үстерү өчен җиһазлар сатып алуга акчалата сертификатлар отты», – дип билгеләп үтте ТР Яшьләр эшләре министры Ринат Садыйков

Традицион рәвештә фестивальдә Гран-прига лаек булганнар медиа юнәлеш буенча югары уку йортында белем алу мөмкинлеге бирә торган сертификат белән бүләкләнә. Шулай ук «Ел ачышы» һәм башка индивидуаль номинацияләрдә I, II һәм III дәрәҗә лауреатлар сайлап алыначак.

Татарстан яшьләре сигез индивидуаль номинация буенча гариза бирә ала:

1) «Рус телендә басма журналистика» («Печатная журналистика на русском языке»);

2) «Татар телендә басма журналистика» («Печатная журналистика на татарском языке»);

3) «Подкастлар һәм радио» («Подкасты и радио») ;

4) «Фотожурналистика»;

5) «Телевидение һәм видеоблогинг»;

6) «Дизайн һәм верстка»;

7) «SMM»;

8) «Реклама һәм җәмәгатьчелек белән элемтә» («Реклама и связи с общественностью»).

 Студентлар медиасы ике номинация буенча: «Студентлар медиасы ПОО», «Студентлар медиасы ООВО».

Фестиваль «Татарстан Республикасы Студентлар лигасы» төбәк яшьләр иҗтимагый оешмасы, «Татмедиа» Республика матбугат һәм массакүләм коммуникацияләр агентлыгы, Татарстан Республикасы Журналистлар берлеге һәм Татарстан Республикасы Югары һәм һөнәри белем бирү мәгариф оешмалары, «Идел» һәм «Ялкын» яшьләр журналлары, «Шаян ТВ» балалар телеканалы ярдәмендә ТР Яшьләр эшләре министрлыгы тарафыннан үткәрелә.

Гариза бирү кампаниясе 25 апрельгә кадәр дәвам итәчәк, конкурсның нигезләмәләре сайтта, тулырак мәгълүматны фестивальнең социаль челтәрләрендә алырга мөмкин.