«СӘЙЯР» ФЕСТИВАЛЕ ҖИҢҮЧЕЛӘРЕ БИЛГЕЛЕ!

Кичә, 3 нче апрельдә, Г.Кариев исемендәге Казан дәүләт татар яшь тамашачылар театры сәхнәсендә Казан шәһәре балалар һәм яшүсмерләр театр коллективларының «Сәйяр» фестивален йомгаклау бәйрәме узды.

Казан шәһәрендә балалар татар театр коллективларының  «Сәйяр» фестивале 1998 нче елдан бирле бик уңышлы проект буларак эшләп килә. Быел халык язучысы, драматург Туфан Миңнуллинның юбилей елында фестиваль күбесенчә аның әсәрләреннән әзерләнде.

Фестивальнең төп бүләге – җиңүче коллективка 1 миллион сум (мәктәпләр өчен) һәм 100 мең сум (балалар бакчалары өчен) грант – иң яхшы ике театр коллективына тапшырылды. Менә алар:

Гран-при: 

«Хәзинә» театр студиясе (2 нче татар гимназиясе)

71нче балалар бакчасы театр төркеме.

1 нче урын – Казан шәһәре Киров районы 4 нче гимназия- интернатының «Асылташ» театр коллективы;

Казан федераль университеты каршындагы Ш.Мәрҗани исемендәге 2 нче гимназия-белем үзәге балалар бакчасы.

2 нче урын –  Казан шәһәре Идел буе районы 18 нче татар гимназиясе «Галәм»нең «Галәм» театр төркеме;

Казан шәһәре Идел буе районының 396 нчы балалар бакчасы-үсеш үзәге.

3 нче урын – Казан шәһәре Идел буе районы 16 нчы татар-инглиз гимназиясенең «Нур» театр коллективы;

Казан шәһәре Яңа Савин  районының 117 нче катнаш төрдәге балалар бакчасы.

3 нче урын – Казан шәһәре Авиатөзелеш районы 33 нче гимназиясенең  «Өмет» театр төркеме;

Казан шәһәре Совет  районының 50 нче балалар бакчасы.

Фотолар: Кирилл Буздалов