СӘХӘРГӘ НӘРСӘ АШАРГА?

Инде берничә көннән ураза башлана. Бу айда дөрес туклану аеруча мөһим. Хәзер шул турыда сөйләшербез.

Иң элек 2 стакан җылы су эчәргә кирәк, суны ашыкмыйча гына, утырып, матур теләкләребезне әйтеп эчү яхшы.

• Тәлинкәнең яртысында яшелчәләр булу мөһим.

• Катлаулы углеводлар да кирәк, алар безгә көн дәвамында энергия чыганагы булып тора. Мәсәлән, карабодай, тары ярмасы, кукуруз боткалары файдалы була. Аларны атнага 2 тапкыр ашарга киңәш ителә. Башка көннәрдә катлаулы углевод буларак 1 телем ипи, солы коймагы ашарга мөмкин.

• Сыйфатлы аксым. Ул тиз арада ашау хисе тумасын өчен кирәк. Алдан ук котлетлар ясап куярга мөмкин. Пешкән тавык ите дә организм тарафыннан җиңел үзләштерелә, ашказаны эшчәнлегенә авырлык китерми. Ә менә балык эчәсен китерергә мөмкин, шуңа аны ифтарга калдыру яхшырак. Сыйфатлы майлар да өстәргә кирәк, мәсәлән 1/2 авокадо, яки 1 уч чикләвек, яки 1 чәй калагы сыер мае, яки зәйтүн мае.

• Җиләк-җимешләр ашамаска киңәш ителә, чөнки алар организмдагы шикәр күләме күтәрелүгә китерә, һәм безнен тиз арада ашыйсы килү теләге туа. Ә менә җиләкләрне (карлыган, кара җиләк, җир җиләге һ. б.) чәйгә салып эчү хуплана.

• Сәхәр тәмам булганчы алданрак ашарга киңәш ителә, аннары 2 стакан су эчәргә мөмкин, чөнки көн дәвамында организм сусыз тиз бирешәчәк, суны күбрәк эчәргә тырышыгыз.

Миләүшә НИГЪМӘТУЛЛИНА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    626
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар