РОССИЯДӘ ЭНЕРГЕТИКЛАРНЫ ТЫЯРГА ТЕЛИЛӘР?

Россиядә балаларга һәм яшүсмерләргә энергетикларны сатуны тыярга тәкъдим итәләр. Ни өчен?

Татарстанның балалар омбудсмены Ирина Волынец 18 яше тулмаган балалар һәм яшүсмерләргә энергетикларны тыярга тәкъдим итә. Әлеге мөрәҗәгать сәламәтлекне саклау министрлыгына, Дәүләт думасының сәламәтлекне саклау комитетына, кулланучы хокукларын яклау һәм кеше иминлеген күзәтүнең федераль хезмәте идарәсенә җибәрелгән.

Волынец мондый эчемлекләрнең составы турында тагын бер кат искәртә. Аларда төрле стимуляторлар, таурин, зур күләмдә кофеин, шулай ук буягычлар, ароматизатор барлыгын ассызыклый. Аларны куллану гастрит, аритмия, йөрәк-кан тамыры системасы эшчәнлеге бозылуга, язваның көчәюенә, диарея, күңел болгануга, фикер чуалуга китерергә мөмкин.

“Кибетләрдә энергетиклар еш кына газлы, баллы  эчемлекләр белән бер киштәдә тора һәм бу сатып алучыларны аларны сатып алуга этәрә. Шул рәвешле энергетик эчемлекләр зыянсыз, дигән уй барлыкка килергә мөмкин”, - ди Ирина Волынец.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    818
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    585
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    480
    0
    0

Блоглар