ИЛЬШАТ ГЫЙЛЬМЕТДИНОВ: ГИТАРА ТОТЫП ТУГАН ЕГЕТ

Татарча каверлар яшьләрне җәлеп итәме? Инстаграм аккаунтында 7 меңгә якын язылучысы булган Илшат Гыйльметдинов бу сорауга «Әйе!» дип җавап бирә. Менә инде 4 ел буе ул популяр җырларга каверлар төшереп, аларны социаль челтәрләргә урнаштыра. Дуслары, шаяртып, «гитара тотып туган» диләр аның турында.  

– Илшат, иҗатка мәхәббәтең нәрсәдән башланды?

– Кечкенә чакта телевизорда гитарада уйнаучыларга кызыга идем. Үземне алар урынына куеп карап хыялландым. Аларга кул чабалар, таныйлар, минем дә шул артистлар кебек популяр буласым килде.

Ялгышмасам, синең каверлар яздыру белән мавыгуың Оксана Ильюпның «Гашыйк булдым, ахры» җырыннан башланды.

– Әйе, «Гашыйк булдым, ахры» каверын яздырып, «ВКонтакте»дагы битемә урнаштыргач, күпләр карады. Дуслар тагын яздырырга тәкъдим итте, күп комментарийлар килде. Миңа бу алга таба эшләргә һәм камилләшергә этәргеч бирде, тукталып калмадым.

– Альберт Нурминский җырларына яздырылган каверлар турында сөйлә әле.

– Аның җырлары яшьләр арасында киң таралу алгач, берничә кавер ясадым. Альберт Нурминский үзе  популяр булганлыктан, аның җырларына яздырылган каверларны да бик яхшы карадылар, социаль челтәрләрдә язылучыларым артты, күп кенә мактау сүзләре килә башлады.

– Кайсы башкаручыларның җырларына каверларың яхшырак килеп чыга?

– Рифат Зариповның җырларына каверлар башкарырга яратам, чөнки аның җырлары мәгънәле, эчтәлекле. Ул үзе гади кеше, шуңа тамашачы аны яратып кабул итә, мин дә шул гадилеге өчен хөрмәт итәм, җырларын яратам.

– Синең «Ялган сөю», «Ерактагы йолдызым», «Уен тәмам» җырлары яшьләр өчен иҗат ителгән. Шушы җырларыңда үзең кичергән хисләрне чагылдырдыңмы? Җырларыңны яздыруда ярдәм итүчеләр булдымы?

– Бу турыда күп сорадылар, тик дөресен әйтми идем... Әйе, «Ялган сөю» җырының нигезендә үзем кичергән хисләр ята. «Ерактагы йолдызым», «Уен тәмам» җырларын башка парларны күздә тотып яздым. Җырны берүзем язам, булышучылар юк. Җыр әзер булгач та, башкаларга тыңлатып, ничек булганын сорамыйм, туп-туры студиягә барам  да яздырам.

– Ә нигә соң башта дусларыңа, якын кешеләреңә тыңлатып, җырга карата фикерләрен сорамыйсың?  

– Беләсеңме, әгәр җыр чын күңелдән язылса, сүзләре мәгънәле булса, кеше тыңлый аны, ошата – мин шуңа таянып эш итәм. Мәсәлән, «Якын дуслар» җырын төркемдәш дусларыма тыңлаттым. Алар ошаттылар, яшьләр яратачак, диделәр. Аллаһка шөкер, фикер уртаклашырлык кешеләрем бар. Тик шулай да «кешенекен тыңла, үзеңнекен эшлә» мәкаленә таянып эш итәм.

– Бүгенге көндә иң соңгы җырың «Уен тәмам» дип атала. Җырлар язарга сине нәрсә илһамландыра?

– Җырларым, гитарада язылган көйләрем күп булса да, әлегә Интернет челтәрендә 4 кенә җырым яңгырый.  Аллаһ боерса, тиздән барысы да дөнья күрер.

Җырлар язарга тирә-юньдәге кешеләр, мәхәббәт, дуслар белән аралашу илһам бирә. Аннан килеп, авылым да зур иҗат чыганагы булып тора. Авылныкы бит мин, чын авыл егете!

– Киләчәккә планнарың ничек? Шушы шөгылеңне дәвам итәчәксеңме?

– Хәзерге вакытта Казан кооператив техникумында укыйм. Хыялым –  югары уку йортына керү. Иҗат минем өчен икенче урында тора, ләкин алга таба, тамашачы кабул итсә, җыр дөньясында да кайнарга ниятләп торам... Нинди генә юлны сайласам да, бу шөгылемне киләчәктә дә дәвам итәчәкмен.

Исеме: Илшат Гыйльметдинов

Кайдан: Саба районы Оет авылы

Туган көне: 2.03.2000

Укый: Казан кооперация техникумы

Кызыксына: баскетбол, турникта тартылу һәм күнегүләр эшләү.

Айлия ХАҖИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2484
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2319
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1965
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019