ФОТОКҮРГӘЗМӘ: ЖУРНАЛИСТ ЖУРНАЛИСТ ХАКЫНДА СӨЙЛИ

Республика матбугатының сугыштан соңгы чорында ТАССРда социалистик төзелешләр, партия җыелышлары, хезмәт кешеләренең уңышлары кебек темалар үзәктә була. Хәер, талантлы фоторепортерлар рекдакция биремнәре белән генә чикләнми: алар көнкүрешне, хезмәттәшләренең эш процессын дә фотога төшерәләр.
Мөгаен, беренче тапкыр «Татмедиа» күргәзмәсенең асылы үтә дә гади, тик шул ук вакытта, бик оригиналь: журналистлар журналистлар турында сөйли.
Фәрит Гобәев, Эдвард Хәкимов һәм Рамил Галиев фотосурәтләре нигезендә социализмнан алып үзгәртеп кору чорына кадәр Совет Татарстаны журналистлары хакында хикәяләү ята.
Соцреализм теле белән сөйләнгән әлеге фототарихлар бик шәхси һәм җылы булып чыкты.