«ЕЛ СӘЛКЕШЕ» НАРИМАН: «КИРӘК» ДИП КЕНӘ АЛАЙ БУЛДЫРЫП БУЛМЫЙ»

Исеме: Нариман Вилданов

Туган көне: 05.08.2006

Туган җире: Әлмәт шәһәре

Яши: Казан

Укый: «Адымнар» полилингваль мәктәбенең 8 «Е» сыйныфында

Инстаграм аккаунты: @nariman.vildan_

«Сәләт» оешмасы беркөнне «Сәмрух» премияләрен таратты. «Ел сәлкеше» номинациясендә әлеге премиягә 8 сыйныф укучысы Нариман Вилданов лаек булды. Нариман ничә сум премия алган? Аны нәрсәгә тотачак? Премияне алу өчен ул нәрсәләр эшләгән? Үзеннән сораштык.

– Нариман, җиңгәнеңне белгәч, нинди хисләр кичердең?

– Җиңүченең кем икәнен, без – финалистлар сәхнәгә чыгып баскач гына әйттеләр. Җиңгәнемне белгәч бик шатландым, әле ул хисләр тамашачыга да тарала. Башта җиңгәнемә ышанып бетмәгән идем. Хәзер моны кабул иттем: ел дәвамында эшләнгән эшләр нәтиҗәсе икәнен аңлыйм.

«Ел сәлкеше» булу ниләр эшләргә кирәк?

Сәлкеш тирә-яктагы кешеләргә импульс җибәрә. Аның табигате шундый. «Кирәк», «тиеш» дип кенә алай булдырып булмый.

– Әлеге бәйгегә ничек әзерләндең?

– Әзерлек ел дәвамында барды. Төрле интеллектуаль, спорт, сәнгать, күңел ачу чараларында, фән олимпиадаларында, «Сәләт» проектларында актив катнаштым.

Нинди бүләкләр бирделәр? Ничә сум премия алдың?

–  Бүләкләр бик кыйммәтле булды. Инглиз теле курсларында уку мөмкинлеге, татар театрларына чакыру билетлары, чүлмәк ясау остаханәсенә чакыру hәм акчалата премия тапшырылды. Күләме - 50 мең сум.

Ул премияне нәрсәгә тотарга җыенасың?

Премияне белем арттыруга, укуга тотачакмын.

Тагын ниләр белән шөгыльләнәсең?

Быел баян буенча сәнгать мәктәбен тәмамлыйм, кызыл диплом аласым килә. Каратэ буенча «кара» билбауга кандидат мин, Россия чемпионы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (1)
Осталось символов:
  • 26 февраль 2021 - 19:25
    Без имени
    Афәрин
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    725
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    627
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    474
    0
    0

Блоглар