БУ 7 ҺӨНӘРГӘ ИХТЫЯҖ БЕРКАЙЧАН ДА БЕТМӘЯЧӘК

Мәктәпне тәмамлаганда, һәркем 7 юл чатында каладыр, мөгаен. “Кайсы юнәлешне сайларга?”, “Кем булырга?” – бу һәм башка сораулар һәркемне борчыйдыр ул. Әгәр син, нинди БДИларны тапшырырга икәнен сайлап та, ахырга кадәр кем булырга икәнне белмәсәң, “Ялкын” сиңа киңәшләре белән ярдәмгә килер.

Нәкъ менә шушы өлкәләр киләчәктә дә ихтыяҗлы булып калачак:

Сәнгать

Роботны бию хәрәкәтләрен кабатлаттырырга яки билгеле бер рәсем ясарга өйрәтеп була. Тик аның хисләре юк, ул илһам алырга да сәләтле түгел. Шуңа да сәнгать кеше факторыннан башка яши алмый.

Спорт

Спорт ярышлары кешенең бер-берсе белән физик параметрлар, осталык һәм ихтыяр көче буенча тигез булмавы сәбәпле, кызыклы. Роботлар ярышында бернинди мәгънә дә юк, чөнки роботларның техник характеристикалары буенча нәтиҗәләрне алдан ук фаразлап була.

Медицина

Табиб машина эшли алмаган бурычларны башкара: алдан әйтеп булмаган ситуацияләрдә карар кабул итә, эмоциональ элемтәгә керә. Бу профессия кешесе авырулар белән дөрес аралашырга, катлаулы карарлар кабул итәргә, кеше психологиясен белергә тиеш. Тик моны машина берничек тә эшли алмый.

Белем бирү

Робот күпсанлы мәгълүматны истә калдырырга, аннары аны кабатларга сәләтле. Тик ул эмпатия һәм эмоциональ интеллектка ия түгел. Укытучы – ул, беренче чиратта, укучыга үз юлын табарга ярдәм итүче дус һәм психолог, ә аннары гына инде белем чыганагы.

Маркетинг

Машина әзер схемалар буенча эшли ала, ләкин креатив, күңелне яулый ала торган әйберне булдырырга сәләтле түгел. Робот бик күп мәгълүматтан төгәл мәгълүмат алырга мөмкин, әмма кешегә тәэсир итәрлек текст яки реклама уйлап табарга бары тик маркетолог кына сәләтле.

HR

Робот кешеләргә шалтыратып, аларның резюмеларын тикшерә ала, ләкин бары тик кеше генә хезмәткәрләрне өйрәтү, аларның адаптациясе, үсеше белән шөгыльләнә ала. Робот сиңа көндәш булмасын, дисәң, HR-аналитиканы, мотивацияне үстерү методлары, тайм-менеджментны чамаларга, презентация һәм визуаль психодиагностика күнекмәләренә ия булу кирәк.

IT

Бәлки, киләчәктә робот үзенә охшашларны да ясый алыр. Ләкин беренче роботны төзү өчен кеше кирәк. Моннан тыш, яңа бурычларны хәл итү юлларын эзләргә, инновацияләрне исәпкә алып, кешенең төрле өлкәдәге эшчәнлеге өчен программалар булдыру да зарур.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2470
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2308
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1956
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019