БАШ МИЕН ЭШЛӘТЕП ҖИБӘРӘ ТОРГАН 10 СТИМУЛЯТОР

Баш миен йокыдан уятырга, аны эшләтеп җибәрергә каһвә генә булыша, дип уйласаң, ялгышасың! Аның башка бик яхшы һәм бушлай булган ысуллар бар. Алайса яхшы каһвәнең бәясеее-ее-еее хәзер! 

1. Сикерү. Мондый күнегү баш миен эшләтеп җибәрә, лимфа системасын активлаштыра. Нәтиҗәдә, организмнан токсиннар чыга, арка турая, эндорфиннар күләме арта. Өстәвенә калорияләр яна.

2. Яхшы гамәлләр кылу. Яхшы гамәлгә кемгәдер ишек ачып тору да, кемгәдер пакетларын күтәрешеп барырга ярдәм итү дә керә. Кемгәдер ярдәм итү канатландыра, яңа максатларга этәргеч бирә. Үзеңне файдалы итеп тоярга этәргеч бирә.

3. Медитация. Медитация өчен иң кулай вакыт – ул иртә. Медитация тәмамланганчы  кулга гаджетларны алырга киңәш ителми. Аңа беренче вакытта 5 минут бүлеп бирергә була. Акрынлап вакытны арттырырга мөмкин. 20 минутка кадәр җиткерергә кирәк. Чөнки баш миенә уяну, ресурларны яңарту өчен шуның кадәр вакыт таләп ителә. Медитациянең файдасы нидә? Ул тынычландыра, курку хисен киметә, концентрациясене арттыра.

4. Баштүбән басу. Әлеге ысул катлаулы мәсьәләләрне хәл итәргә дә, йокыдан уянырга да яхшы ярдәм итә. Йогада әлеге алымны инверсия дип атыйлар. Ул күңелле дә, сәламәтлеккә дә файдалы һәм баш миен дә эшләтеп җибәрә.

5. Су эчү. Күп кеше суны беләсезме ни өчен эчә? Чөнки су эчкәч аларның хәлләре яхшыра. Су организмыбыз өчен бик кирәк. Чөнки андагы барган барлык процессларда да су актив катнаша. Су эчү игътибарлылыкны арттыра, баш мие эшчәнлеген тизләтә, продуктивлыкны арттыра һәм хәтта кәефне дә күтәрә!

6. Йоклап алу. Көндез черем ите алуның файдалы булуын раслаган тикшеренүләр бик күп. Үзеңне яңадан туган кебек хис итү өчен 30 минут йоклап алу да җитә.

7. Саф һавада йөрү. Ышанасызмы-юкмы, тик җәяү йөргәндә дә калорияләр яна. Моңа өстәп, кәеф күтәрелә. Үпкәләргә һава керә. Сәламәтлек күзгә күренеп яхшыра. Нәтиҗәдә, максатларга ирешү дә  күпкә җиңелрәк һәм тизрәк бара.

8. Рәхмәт әйтү.  Һәркөн йокларга ятар алдыннан үзгегезнең нәрсәләр өчен рәхмәтле булуыгыз турында исемлек төзегез. Моңа дуслар белән бергәләп чөкердәшеп чәй эчүне дә, яңа белем үзләштерүне дә кертеп була! Шул рәвешле хатирәләрне яңарту кешене бәхетле булырга көйли. Тикшеренүләр күрсәтүенчә, мондый исемлек төзүчеләр үзләрен 25%ка бәхетлерәк хис итә. Башка бонуслары булып йокының яхшыруы һәм шәп кәеф тора.

9. Төшләрне теркәп бару. Иртән торуга төшләрегезне бер кәгазгә теркәп барыгыз. Тикшеренүләр шуны ачыклаган: баш мие төшләргә игътибар артканын “күреп ала” һәм төшләр аша  бик мөһим мәгълүматлар бирә башлый. Шулай ук әлеге ысул иҗадилыкны арттыра, хәтерне яхшырта, иртән уянырга ярдәм итә. 
 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    3296
    3
    39
  • 14 февраль 2020 - 15:10
    ХӘЕРЛЕ БУЛСЫН СӘФӘР Ярата Рушан шәһәрдән читтәге заказларны. Монда юллар да ярыйсы гына. Шәһәр урамнарындагы кебек чокырлы-чакырлы урыннар аз. Якынлашу белән һәр чатта кызыл күзләрен кабызып көтеп торган светофорлар да юк. Аны-моны уйламыйча, саклыкның ни икәнен дә белмичә юлга атылып чыккан җәяүлеләр дә күренми.
    3079
    1
    18
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1994
    2
    35

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019