ТАТАРСТАННЫҢ ХАЛЫК ШАГЫЙРЕ РАЗИЛ ВӘЛИЕВ ВАФАТ

Бүген, 20 октябрьдә, күренекле җәмәгать эшлеклесе, «Ялкын»ның якын дусты, барыбыз да кечкенәдән белгән Татарстанның халык шагыйре Разил абый Вәлиев вафат булды.

Ул күп еллар «Ялкын»ның даими авторы иде, журналда әдәби хезмәткәр дә, редколлегия әгъзасы да булып эшләде. Журналда эшләгән чорда шагыйрь сәнгать әһелләренә багышланган очерклар язды, дөнья халыклары әкиятләрен татарчага тәрҗемә итте. Аның эшләре «Ялкын»ның дистәләгән битләрендә эз калдырды. Разил абыйның урыны оҗмахта булсын. Якыннарының авыр кайгысын уртаклашабыз.