ТАТАРСТАННЫҢ ӨЧ ЯШЬ АВТОРЫ ҮЗ КИТАПЛАРЫН ЧЫГАРТУ ӨЧЕН КӨРӘШӘ!

Рус телендә иҗат итүче авторлар арасында уздырылган “Русские рифмы», «Русское слово» милли премиясенең 35 финалисты исеме билгеле булды. Алар арасында Татарстанның өч яшь авторы да бар. Алар – «Жанрлы проза» номинациясендә – Булат Ханов, “Поэзия” номинациясендә – Татьяна Иванова һәм Зәринә Бикмуллина.

Әлеге бәйгенең төп максаты – яшь, сәләтле шагыйрь, прозаик, драматургларны барлау, аларга ярдәм күрсәтү. 2019 елда премиягә ия булыр өчен үзен 400 катнашучы (18-35 яшьлек) сынаган. Алар барысы да үз әсәрләре буенча китапларын нәшер итү һәм пьесалары буенча спектакль кую өчен тырышлыгын куйган. Яшь әдипләр – Мәскәү, Санкт-Петербург шәһәрләре, Татарстан республикасы, Алтай, Краснодар крайлары, Амур, Ленинград, Липецк, Магадан, Мәскәү, Түбән Новгород, Новгород, Омск, Ростов, Самара, Свердлау һәм Томск өлкәләреннән.

Иң кызыклы һәм әһәмиятле әсәрләрне язучы, “Ясная Поляна” әдәби премиясе лауреаты Григорий Служитель җитәкләгән эксперт советы сайлап алган.

5 декабрьдә «Non/fiction» халыкара интеллектуаль әдәби ярминкәсе вакытында “Әдәби укулар” узачак. Дустанә атмосферада финалистлар һәм дәрәҗәле кунаклар үз әсәрләрен укыячак. 6 декабрьдә җиңүчеләр – яшь, сәләтле прозаик, шагыйрь, драматурглар үзләренең лаеклы бүләкләрен алачак.

«Эксмо-АСТ» нәшрият төркеме яшь әдипләргә үз китабын чыгартырга мөмкинлек бирәчәк. “Заманча проза”, “Интеллектуаль проза”, “Поэзия” номинацияләрендә җиңүчеләр нәшрият холдингы белән килешү төзиячәк. “ЛитРес” ширкәте җиңүчеләрнең әсәрләрен электрон ресурсларга күчерүдә ярдәм итәчәк. “Драматургия” номинациясе җиңүчесе “Театр Скорика” ярдәмендә үз пьесасын сәхнәләштерү турында килешү төзиячәк.

Белешмә:

2018 елда «Русские рифмы», «Русское слово» премиясе әдәбият дөньясында якты эз калдырган. Анда катнашыр өчен 400 автор гариза тапшырган, аларның 27се генә финалга узган. Бары тик 10сы гына җиңүче булып табылган. Узган ел “Иң яхшы язучы” номинациясендә җиңү яулаган Арина Обух «Муха имени Штиглица» исемле китабын нәшер итү мөмкинлегенә ия булган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1260
    0
    6
  • 26 гыйнвар 2021 - 12:03
    КУРЧАК Эшкә урнашып, тәүге хезмәт хакын кулга алгач та, Фидәния кибеткә керде дә  беренче әйбере итеп үзенә кием дә, аяк киеме дә, бизәнгеч тә түгел, ә... курчак сатып алды.
    1106
    0
    1
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    428
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019