«СӘЛӘТ» ФОРУМЫНДА КАТНАШУЧЫЛАР МЕДИА ӨЛКӘСЕНДӘГЕ ЯҢА ТРЕНДЛАР БЕЛӘН ТАНЫШАЧАК

«Сәләт» форумы экваторын узды һәм кичә дүртенче смена - Медиа Биләр Форум (Медиа /Media) старт алды. Ул 26 июльгә кадәр дәвам итәчәк.

Смена ачылышына «Шаян ТВ» телеканалының башкарма директоры, баш мөхәррире Рамилә Сәхәбетдинова килде. «Минем аркылы укучыларның бер генә буыны үтмәде, мин аларның барысын да Сәләткә җибәрәм, чөнки безнең максатыбыз уртак - балаларның бар яклап үсеше. Сәләт - бик файдалы һәм кирәкле хәрәкәт, минем оештыру командасы катнашучыларының барысына да яшь буын өчен башкарган хезмәтләре өчен рәхмәтемне белдерәсем килә. Без үзебезнең каналыбызда Сәләт турында күбрәк сөйләргә, балаларны бар яклап күрсәтергә тырышабыз, аларның уңышларына шатланабыз. Киләчәктә без бергә эшләрбез һәм зур уртак проектлар ясарбыз дип өметләнәбез», - дип сөйләде ул.

Медиа Биләр Форумда (Медиа /Media) төбәк Сәләт клублары лидерлары, Татарстан Республикасының мәктәп яки район активистлары, башка төбәкләрдә үткән фән олимпиадалары һәм конференцияләрнең призлы урын ияләре катнашачак. Смена медиаресурслар белән эшләүнең актуаль ысулларына багышланачак. Иҗади лабораторияләр һәм остаханәләр вакытында сәлкешләр ТВ-журналистика, фото һәм видео, подкастлар, блогинг һәм социаль челтәрләр алып бару юнәлешләре буенча цифрлы контент төзү үзенчәлекләре белән таныша алачак.

Смена кысаларында Татарстан һәм Россиянең әйдәп баручы белгечләре остаханәләр уздырачак. Медиа өлкәсендәге тәҗрибәләре белән маркетинг һәм SMM өлкәсендәге белгеч Алинә Гыймалтдинова, креатив продюсер Валерия Ким, тиктокер Айгөл Шакирҗанова, контент-продюсер һәм блогер Эльза Исметова, КФУның концерт программалары режиссеры Валентин Юшко һәм башкалар уртаклашачак. Форумда катнашучыларның лекцияләр һәм остаханәләр тыңлау гына түгел, төрле юнәлешләр буенча лабораторияләрдә катнашу мөмкинлеге дә булачак.

Видеограф, контентмейкер Евгения Опришко мобиль иҗат темасына лаборатория үткәрәчәк һәм балаларны кәрәзле телефонга профессиональ фотосурәтләр һәм видеоязмалар ясарга өйрәтәчәк.

Skyeng YouTube-каналының видеопродакшен режиссеры, сценаристы һәм җитәкчесе Екатерина Герм-Уварова катнашучылар өчен «Короткометражка» темасы буенча дәресләр уздырачак. Алар вакытында балалар кино төшерүнең барлык этапларын да уза алачак: сценарий язу һәм актерлар белән эшләүдән башлап, оператор булу сәнгатенә һәм әзер фильмны тәкъдир итүгә кадәр. Нәтиҗәдә, барлык эшләр дә сменаның ябылу тантанасында тәкъдим ителәчәк.

«Громкие рыбы» креатив агентлыгы хезмәткәре Тимофей Шарагин креатив идеяләр уйлап табуга, режиссерлык һөнәре нигезләренә һәм мавыктыргыч видеоконтент булдыруга багышланган лаборатория үткәрәчәк.

Фотографлар Роберт Шакиров һәм Илдар Әсфәндияров фотоаппаратура көйләүгә, телефонга фотосурәтләр ясауга һәм композиция нигезләренә багышланган лабораторияләр үткәрәчәк.

Моннан тыш, смена вакытында «Җанлы Сәләт» (SeletLive) турыдан-туры эфирлар студиясе үз эшен дәвам итәчәк. Трансляцияләр Сәләтнең ВКонтакте һәм YouTube рәсми аккаунтларында алып барылачак.