РОССИЯ БЛОГЕРЛАРЫ САНКТ-ПЕТЕРБУРГТА ҖЫЕЛА

24 гыйнвар көнне Санкт-Петербург шәһәре Россиянең төрле төбәкләрендә яшәүче танылган блогерларны бер урынга җыячак. Төп максат – медиа өлкәсендәге яңалыклар, трендлар турында үзара фикер алышу. Чарада илнең 68 төбәгеннән 800 ләп инфлюенсер катнашыр дип көтелә.

Төп оештыручыларның берсе – “Insight People» продюсерлык үзәге.

– Россиянең һәр төбәге безнең илнең креатив медиаиндустриясен алга этәрүче талантлы шәхесләргә бай. алар белән шәхсән танышу, аралашу, үзара тәҗрибә уртаклашу – бик зур уңыш һәм мөмкинлек, - дип белдерә  “Insight People» продюсерлык үзәге генераль директоры Алинә Зиннәтуллина.

Россиянең төрле почмакларыннан җыелган блогерлар үзара тәҗрибә уртаклашып кына калмаячак. Моннан тыш, чара кысаларында төрле мастер-класслар, лекцияләр уздыру да каралган. Блогерлар шулай ук уртак проектлар һәм коллаборацияләр булдырыр дип тә көтелә.

Шунысын да билгеләп үтү мөһим, әлеге россиякүләм очрашу 25 гыйнварда билгеләп үтелә торган Студентлар көненә багышланачак.

Чараның пресс-релизы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
ТӘҮГЕ ҖЫЛЫ
1203
0
0
Иҗат
БАЛТАЧ РАЙОНЫ БӨРБАШ УРТА МӘКТӘБЕ УКУЧЫЛАРЫННАН ӘКИЯТЛӘР
3814
0
0
Иҗат
ТЕЛЕФОН ИЯСЕ
7535
0
3