«ЕЛ КАЗАНЫШЫ» ПРЕМИЯСЕ: КАТНАШКАНЧЫ БЕЛЕРГӘ ТИЕШЛЕ 3 ЯҢАЛЫК

Тиздән Татарстанда иң сәләтле студентны сайлап алачаклар. «Ел казанышы» IV республика премиясе – урта һөнәри уку йортларында укучы студентлар өчен. Аның гаризалар тапшыру кампаниясе инде башланып китте.

Елдан-ел премия үсә-үзгәрә бара. 2020нче ел да искәрмә түгел. Быел премиядә катнашу юнәлешендә үзгәрешләр кертелгән. Алар болайрак:

– Папка-портфолио – электрон форматта

Гадәти папка-портфолиолар электрон форматка күчерелә. Хәзер катнашучыларның казанышлары, тәкъдим итү хатлары, презентацияләр, гаммәви мәгълүмат чараларында чыккан материаллары – болар барысы да  «Татарстан студенты» (https://studgrant.ru) автоматлаштырылган платформасы аша PDF-форматында оештыру комитетына җибәрелә.

– «Ел волонтеры» түгел!

«Ел волонтеры» номинациясенең исемен «Елның ирекле булышчысы» дип үзгәрткәннәр

 – Яңа номинация

Премиядә «Елның ирекле булышчылар берләшмәсе» дигән яңа номинация пәйда булган

Әлеге премиядә катнашасың киләме? Әйдә, тәвәкәллә! Моның өчен синең Татарстанда урнашкан урта һөнәри уку йортында белем алуың, сиңа 16-25 яшь булуы мөһим. Шулай ук премиядә студентлар коллективы, берләшмәләре, оешмалары (студентлар советы, тулай торакларның студентлар советы, студент клублары, студентларның фәнни җәмгыятьләре, студентлар медиалары) катнаша ала.

Этаплары

Премия өч этаптан тора:

1. Электрон гариза тапшыру кампаниясе (18 февральгә кадәр дәвам итә);

2. Читтән торып катнашу этабы – гаризаларны эксперт советы карый, бәяли (28 февральгә кадәр);

3. Үзең килеп катнашу этабы – катнашучыларның презентацияләрен күрсәтү (28 февраль – 28 март 2020 ел).

Премия дәвамында аның катнашучылары 17 номинациядә көч сынаша. Аларның иң мөһиме – «Гран-При». Студент яки студентлар коллективы шәхси яки коллектив номинациясендә бер номинациядә катнаша ала. Ләкин аннан кала, студент «Гран-При» номинациясендә дә катнашырга хокуклы.

Әлеге премия урта һөнәри уку йортларында укучы сәләтле студентларны ачыклау, бәяләү, аларга ярдәм күрсәтү, студентларның иҗади, фәнни, спорт һәм социаль яктан активлыкларын арттыру йөзеннән оештырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2607
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    748
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    650
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019