ЯҢА ТӘМ: ЭКСПЕРИМЕНТЛАР ВАКЫТЫ!

Бүген бик җаваплы һәм мөһим көн һәм син мондый бәйрәмне болай гына үткәреп җибәрә алмыйсың! Аңлатам: гел бертөрле режимда яшәп ияләнгәч, көннәр бер-берсеннән аерылмый сыман, бер-берсен кабатлый кебек тоела башлый. Ә беләсеңме, ничек моннан котылырга? Бик гади: ара-тирә тормышыңа яңа, моңарчы белмәгән-тоймаган әйберләр кертеп җибәрергә!

Яңа исләр һәм тәмнәр көне

Хәзер сораулар китәр инде: ничек яңа тәм табарга, бөтен тәмнәрне дә беләбез бит инде... Тукта, тирән итеп сула һәм укуны дәвам ит ? Син каһвә яратасыңмы? Әйе икән, менә сиңа яңа кызыклы рецепт: блендерда бераз банан һәм сливки туглыйсың да, бер-ике кашык каһвә, кайнаган су өстәп, янәдән блендерга саласың. Менә дигән яңа тәмле ачыш! Кайбер каһвәханәләрдә, мәсьәлән, кызыклы сироплар, тәмләткечләр күрергә була. Шундыйлардан кыяр, бөтнек, базилик сироплары бар. Ә кем белә? Бәлки мондый эчемлек синең иң яратканына әверелер? Ә эчеп-ашап карамыйча без моны белә дә алмыйбыз, шулай бит? Димәк, кыюлыкны җыябыз да, яңа тәмнәр һәм исләр дөньясын ачарга юнәләбез!