МӘКТӘП УКУЧЫЛАРЫННАН - РЕЖИССЕР ҺӘМ ОПЕРАТОРЛАР

Казанда мәктәп укучылары арасында сәләтле режиссер, сценарий осталары һәм операторларны табарга ярдәм итәчәк махсус кинофестиваль уздырырга ниятлиләр.

Бу турыда "Татаркино" директоры Миләүшә Айтуганова белдергән. Җитәкче сүзләренчә, кинематографны камилләштерү мәсьәләләре буенча оешма бу эшкә тулысынча әзер.

- Без моңа әзер. Мин бу фестивальнең Татарстан мәгариф министрлыгы белән берлектә ел саен узуын телим. Хәзер интернетта бик күп  тамашачы җыя торган контент шактый. Юморлы контент аеруча популяр. шушы юнәлештә эшләргә кирәк, - дип ассызыклаган Миләүшә Айтуганова.

Җитәкче сүзләренчә, биредә сүз сценарий язучылар гына түгел, ә видео төшерүчеләр турында да бара. Кино белән кызыксынучылар күбрәк булган саен, гениаль режиссер табу мөмкинлеге дә арта, дип саный Айтуганова.