"БЕЗГӘ АЧЫЛГАН ШӘҺӘР"

SMS килде: "Сәлам! Мин Казанда. :) Ә син? :)"


МИН: "Сәлам! Әле яңарак мин дә Казанда идем. :)"


УЛ: "Ә хәзер? :-0"


МИН: "К-О-С-М-О-С-Т-А..."


УЛ: ":) :) :) :) :) :) Әйдә очрашабыз?"


МИН: "Кайда?"


УЛ: "Затлы кызлар институты янында. Ярты сәгатьтән көтәм. :)"


Мин дәшмим. Бераз борчылсын әле. Дөресен генә әйткәндә, мин аның соңгы хәбәрен аңлап та җиткермәдем. Ярты сәгатьтән. Затлы кызлар институты. Кай төштә соң ул? Әллә сорарга микән? Әллә ничек кенә, шуны да белми дип уйлар тагын. Беренче очрашуыбыз бит. Түзә алмады, ахры, тагын SMS: "Югалдың :). Ул институт синнән ерак түгел. Лев Николаевич гел шул якны күзләп тора."


Толстой һәйкәле хакында әйтүеме икән? Суворов училищесы бит анда!


МИН: "Мин затлы егетләр укый торган җиргә киләчәкмен :)"


УЛ: "Ихтыярыгыз, туташ :)"


Ул нәкъ мин әйткән җирдә, Суворов училищесы каршында басып тора иде. Дөрес, соңрак, без икебез дә бер үк урынны атаганыбыз ачыкланды: элек бу училище бинасында кызлар институты булган бит. Ул мине шунда көткән. Ә аннары без... Юк, кафега түгел! Кинога да түгел! Без шәһәр карарга киттек. Беренче тапкыр ИКӘҮ.


Менә М.Җәлил исемендәге опера һәм балет театры бинасы. Кайчандыр бу урында зур бакча булган. "Бакыр бабай" бакчасы дип йөрткәннәр аны. Бакча уртасында, аңа өстән карап, якташ шагыйребез Г.Р.Державин һәйкәле утырган. Бу бакчадан аска таба төшсәк, хәзерге Ленин бакчасына (элеккеге Николай бакчасының бер өлеше) килеп керәбез. Бу урыннан күбебезнең әти-әниләренә студент елларын хәтерләтәдер.


Ә без тагын да аскарак, бүгенге яшьләрнең иң популяр очрашу урынына төшәбез. Бауман сәгатьләре. Монда элек тә яшьләр еш җыелган булырга тиеш: кайчандыр  бу урыннарда да бакча булган. Ул вакытта "сәгать" белән "Кольцо" сәүдә үзәген тоташтыра торган җир асты юлы да, хәтта аларны бүлә торган трамвай юллары да булмаган - гел бакча гына. Беренче күргәндәй, Бауманнан Кремльга таба менәбез. Инде хәзер "Чәй йорты"нда җылынып чыксак та була.


Ә син Бауман урамы тарихын беләсеңме? Әйдә, икенче юлы шәһәребез тарихын бергәләп өйрәнәбез? Яз безгә: yalkin@bk.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2486
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2321
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1968
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019