«БАЛАЛАР ТӨШЕРГӘН ФИЛЬМ НИНДИ БУЛА?»

XI Казан Халыкара мөселман киносы фестивале өчен 11 кыскаметражлы фильм сайлап алынган. Шуларның өчесе - Россия, икесе - Мисырныкы, ә Иран, Әфганистан, Таҗикстан, Италия, Мексика, Берләшкән Гарәп Әмирлекләреннән берәр фильм тәкъдим ителә. Шунысы кызыклы: сайлап алынган фильмнарның яртысы балалар тарафыннан төшерелгән. 


«Белый воробушек» - Таҗикстаннан килгән Диловар Султонов үзенең героена шундый исем бирә. Биш яшьлек малай сөйләшә алмый, ләкин бу җитешсезлек аңа дөньяны танып-белергә комачауламый. Сабый көн дә бакчаларына очып килә торган чыпчыкны күзәтә һәм үзен зур дөньяда яши торган кечкенә кош итеп күз алдына китерә. Очасы килү теләге үлемнән куркуны да җиңә ала. Садама Нико Вахиди төшергән «Ты не американец» (Әфганистан) фильмы герое каршылыклы хисләр кичерә. Кечкенә малай яралы солдатка су эчерә, хәленнән килгәнчә ярдәм итә. Тик әлеге солдатның Америкалы булуы аны өнсез калдыра. Чөнки сабыйның күзаллавында Америка солдаты җирдән йөри алмый, ул усал көчләр кебек күктән төшә, өйләрне юкка чыгара һәм әниләрне үтерә. Хакыйкать ачы була икән шул: яралы егет, дөрестән дә, Америка солдаты. Ләкин...

Салех Насса төшергән «Центральный рынок» (БГӘ) фильмы героен исә кызыклы маҗаралар көтә.

«Пусть ветер унесёт мои слова» (Россия, Башкортостан) фильмы нигезендә "Сак-Сок" бәете ята.

Аталар һәм балалар проблемасын Мисырдан килгән Мөхәммәд Камель дә күтәрә. «Холодная весна» ата белән үсмер кыз арасындагы мөнәсәбәтләрне чагылдыра. Джулио Мастромауро төшергән «Нувола» (Италия) картинасы сабыйларның, дөрестән дә, тормыш яме булуын дәлилли.

Моннан тыш, тамашачылар Юсеф Каргараның «Элегия» (Иран),   Хоузан Абдоның «Лейла» (Мисыр), Анджелика Романини төшергән  «ИншаАллах» (Мексика), Салават Юзеевның «Хлопнул дверью и ушел» (Россия) һәм Юрий Даниловның  «№9» (Россия, Татарстан) фильмнарын карый алачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1354
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1162
    0
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    741
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019