"36 ЭНЕРДЖАЙЗЕР КУЯНЧЫК КАЙДА ЯШИ?"

СЕЗНЕҢ БЕР ҮК ВАКЫТТА 36 ЭНЕРДЖАЙЗЕР КУЯНЧЫГЫН КҮРГӘНЕГЕЗ БАРМЫ?! «ЯЛКЫН»ЛЫ СЫЙНЫФЛАР АРТКАННАН АРТА! ЯҢА ЕЛЫБЫЗНЫҢ БУ СӘХИФӘСЕН КАЗАН ШӘҺӘРЕНЕҢ 33НЧЕ МӘКТӘБЕ БЕЛӘН АЧЫП ҖИБӘРӘБЕЗ. 5«А» СЫЙНЫФЫНДА КУНАКТА БУЛЫП КАЙТТЫК.


Мәктәп ишеге каршында безне «куянчык»ларның сыйныф җитәкчеләре Лилия апа Сабитова каршы алды. Сыйныф мәктәп линейкасыннан чыгып бара икән: укытучылары артыннан парлап тезелеп баралар. Карадык та шаккаттык. Луиза апа Янсуар сорап куйды: «Ничә укучы дисең бу сыйныфта?!» Ә Эльнар шат: «Күбрәк булган саен шәбрәк!» – дип сөенде.


Баксаң, Лилия апаның сыйныфында 36 бала укый икән – 17 кыз, 19 малай. Таныша башладык. Берсе – музыкант, берсе – җырчы, берсе – хоккейчы, берсе – нәфис сүз остасы. Хәтта чемпион исемен яулаган укучылар да бар: әйтик, Адель Хәлилов, тхэквондо белән шөгыльләнеп, инде күпсанлы медальләр иясе дә булып өлгергән. Кызлары да хоккей уйнаган сыйныфка шаккатмый буламыни?!


«Куянчык»лар курчак спектакльләре куя, җыр түгәрәгенә йөри, ә укырга вакытлары каламы икән, дип сыйныф журналына күз салабыз. Укуда да калышмыйлар икән: сыйныфның уку дәрәҗәсе 88%, моның нәрсә икәнен укытучылар яхшы белә инде. Сезгә дә сер итеп әйтәбез: бу бик-бик-бик яхшы дигән сүз!


Сыйныф җитәкчесе Лилия апага карыйбыз: укучылары шундый актив, тере, боларны дәрестә ничек тотып торасыз соң, дибез. Лилия апа елмаеп кына куя: «Җиңел түгел кайчак. Ләкин аларның сыйныфы шундый, бер-берсе белән узышып яшиләр, эчке ак көнләшү диимме соң? Моны сизеп алгач, укытуны да ярыш нигезендә оештырдым. Олимпиадаларда да сыйныф белән генә катнашабыз...».


Танышып, җыр-бию белән хозурланып, үзебезгә яңа идеяләр, көч алып кайттык бу үзенчәлекле 5 «А» сыйныфы белән очрашкач.


[gallery size="full" ids="5647,5655,5651,5654,5648,5652"]

Фотода: Әдилә Шәяхмәтова, Камилә Фазлыева, Илүзә Һидиятова, Лия Әлимова, Эвелина Шамилова.


Эльвира ҺАДИЕВА фотолары

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4464
    2
    64
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4165
    3
    60
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    3902
    2
    44

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    443
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019