Worldskills: чемпионат вакытында кайда ял итәргә? (ПРОГРАММА)

Worldskills Kazan 2019 дөньякүләм чемпионаты башланырга санаулы көннәр калып бара.  Әлеге ярышлар уңаеннан Казан парк һәм скверлары, Кабан күле һәм Кремль яр буйлары гөрләп торачак. Казанлыларны һәм шәһәр кунакларын бик  бай программа көтә.

Әлбәттә, бәйрәм чараларының үзәге – Горки-Әмәт урман паркы булачак.  22-27 август көннәрендә биредә зур интерактив экраннарда Worldskills чемпионатының ачылу һәм ябылу тантаналары күрсәтеләчәк. Шулай ук,  үзенең киләчәк һөнәрен әле сайларга өлгермәгән укучылар өчен “Билет в будущее” интерактив зонасы эшләячәк. Булачак студентлар һәм нәни дусларыбыз биредә  үзләре киләчәктә сайларга мөмкин булган һөнәрләр белән якыннанрак таныша алачак.

“Кабан күле” буенда тагын бер концерт мәйданчыгы эшләячәк. Биредә кунакларга Татарстан турында сөйләячәкләр. Әлеге урында 23-25нче августта йөзмә сәхнәдә концерт булачак, анда татар жырчылары һәм музыкантлар катнашачак. Шулай ук фильм һәм спектакль күрсәтү дә каралган.

Горький паркы да гөрләп торачак. Биредә 23 -26 август  көннәрендә шулай ук концерт мәйданчыгы эшләячәк һәм бар теләүчеләр өчен мастер-класс зоналары ачык булачак. Сәхнәдә төрле анимация төркемнәре һәм урам театрлары артистлары чыгыш ясаячак. Парк территориясендә Worldskills Kаzan 2019 күчмә остаханәсе дә эшләячәк.

Бу көннәрдә Лядской бакчасында һөнәрләр тарихына багышланган күргәзмә эшләр дип көтелә. Программада данлыклы Рәсәй галимнәренең лекцияләре, тематик һәм фәнни-һөнәри әдәбиятка багышланган китап күргәзмәсе дә каралган.

Шулай ук Worldskills ярышларына багышлап,  “Казан” гаилә үзәге янында 23-26 август көннәрендә “Тәмле Казан” гастрономик фестиваль үткәрелә. Әлеге фестивальдә 40 ка якын кафе һәм ресторан катнашачак.

Күрәсез, август ае төрле чараларга шактый бай булачак. Чемпионатны Казанның  үзәк  урамы да игьтибарсыз калдырмаячак, билгеле.  23-26нчы август көннәрендә Бауман урамында сәнгать осталары фольклор коллективлары һәм халык инструментлары оркестрлары катнашында концерт булачак. Моннан тыш, шәһәрнең төп туристик урамында халык һөнәрчелеге эшләнмәләре күргәзмәсе һәм милли уен коралларында уйнау буенча мастер-класслар оештырылачак.

Шулай итеп, Worldskills ярышлары вакытында казанлылар һәм шәһәр кунаклары чемпионатның үзеннән тыш, башка бик күп күңел ачу чараларында катнаша алачак.  “Тизрәк Worldskills ярышлары башлансын иде!” – дияргә генә кала!

 

Рәзил Сәмигуллин


 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2480
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2316
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1963
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019