Казанда яшь картингчылар җитезлектә сынашты

Татарстан мәктәпләрендә белем алучылар куркынычсыз йөртү буенча осталыкларын күрсәтү мөмкинлеге туды – Казанда картинг буенча Татарстан Республикасы Эчке эшләр министрлыгы кубогына ярышлар узды.

Балалар һәм үсмерләр арасындагы әлеге бәйге Россия эчке эшләр органы хезмәткәрләренең һөнәри бәйрәмнәренә багышлана. Быел ул унөченче тапкыр үткәрелде.

Ярышлар балалар белән бәйле юл-транспорт һәлакәтләрен киметү, техник спорт төрләрен үстерү һәм ныграк таныту, катнашучыларның спорт әзерлеген, йөртү осталыгын арттыру максатыннан уздырыла.



Быелгы бәйге республиканың 30 район һәм шәһәреннән 68 картингчыны үзенә җыйды. Алар яшь буенча ике төркемгә бүленеп көч сынашты.

Ярыш нәтиҗәләре буенча 9-11 яшьлекләр арасында Мөслимнән Солтан Йосыпов җиңү яулады. Икенче-өченче урыннарны Азат Бәдретдинов (Чаллы) белән Даниэль Гатиятуллин (Казан) бүлеште.

Өлкәнрәк – 12-15 яшьлек катнашучылар арасында Казаннан Инсаф Садриевка тиңнәр табылмады. Рәсим Шәмсетдинов (Арча) – икенче, Юлия Абрамова (Әлмәт) өченче булды.

Ярышны оештыручылар – Татарстанның Эчке эшләр министрлыгы; ТР автомобиль спорты федерациясе; “Юл хәрәкәте иминлеге” дәүләт оешмасы; “Форсаж” картинг үзәге.


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    661
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    535
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    313
    0
    0

Блоглар