Алинә Заһитова: “Әлеге чемпионатны беркайчан оныта алмам”

Шимбәгә каршы төндә Алинәгә ияреп аның миллионлаган җанатары да елады – 15 яшьлек Олимпия чемпионы Алинә Заһитова Миланда узган дөнья чемпионатында медальсез калды. Кыска программадан соң икенче урынга урнашкан татар кызы ирекле чыгышы вакытында өч тапкыр бозга егылды. Нәтиҗәдә – 5 нче урын.

– Күңелдә һаман да тынычлык юк әле, – диде Алинә бер көн узгач журналистларга. – Барысын да онытырга телим, шуңа да карамастан кайбер мизгелләр кабат хәтердә яңара. Әлеге чемпионатны тулысынча беркайчан да оныта алмамдыр. Әмма, шулай да, бу – тәҗрибә. Чемпионат төгәлләнүенә шатмын. Бу сезон артта калды. Бераз ял итәм, аннары яңа сезонга әзерлекне башлыйсы була.

– Төшенкелектән чыгарга кем ярдәм итә?

– Тренерлар белән Миланның үзәгендә булдык. Бу бераз онытылырга ярдәм итте. Әти-әниләр һәрчак язып тора, күңелсезләнмәскә киңәш итәләр. Тамашачылар да яза.

– Сиңа май аенда Япониядән эт китерергә тиешләр. Дөресен әйт әле – алдагы сезонны күбрәк көтәсеңме, әллә этнеме?

– Эт турында күбрәк уйлыйм. Аннары инде тренировкалар төгәлләнеп, каникуллар башлангач, алдагы сезонны уйлый башлармын.

– Ә Акита-ину токымлы этне тәрбияли белерсеңме?

– Аларның бик мөстәкыйль булуларын беләм. Әлеге этләр турында китап та укып чыктым, видеолар карыйм. Баштагы мәлләрдә булышсын өчен кинолог та ялларга уйлап торам.

– Ярышларда йөреп укуың да артта каладыр?

– Өйгә кайтуга дәресләргә утырасы була. Бу сезонда мәктәпкә бармадым диярлек.

– Каникулны кайда уздырырга җыенасың?

– Иң яхшы ял – Ижевскида әти-әни янында. Диванга ятасың да, берни эшләмисең.

[embed]https://youtu.be/5HCWNCoFOQo[/embed]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    689
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    544
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    342
    0
    0

Блоглар