СӘЙДӘШ КАМАЛИЕВ: "АНЫҢ ӘСӘРЛӘРЕНДӘ ҮЗЕМНЕ ТАБАМ"

Сәйдәш Камалиев – язучы, шагыйрь Фаил Шәфигуллин оныгы.
Туган көне: 20.04.1993

Туган җире: Казан

Яши: Бөгелмә

Тәмамлаган: КФУның геология һәм нефть-газ технологияләре институты

Эшли: җир кабыгындагы тирбәнешләрне ачыклаучы (сейсморазведчик)

Кызыксынулары: спорт, бию, әдәбият

– Миңа еш кына “бабаңа охшагансың” дип әйтәләр. Моны үзем дә сизәм: фотолардан карап чагыштырсаң, охшашлыклар шактый. Фаил Шәфигуллин оныгы булу миңа әллә ни зур статус өстәми. Бүгенге көндә язучылар артык популяр түгел бит. Үземне башка кешеләр кебек үк хис итәм. Шулай да зур бер уңай як бар: тәрбиям башка, ул бүтән яшьтәшләремнекеннән нык аерылып тора. Миңа интеллигенция вәкилләре белән аралашу мөмкинлеге тәтеде, язучы-шагыйрьләр белән күзгә-күз карап сөйләшүләр бәхете насыйп булды.



Үземдә җаваплылык тоям: бабам зур эш башкарып чыгарган, татар телен үстерү өчен зур көч куйган, аның иҗатын танытуга мин дә өлеш кертергә тиеш дип саныйм. Ким дигәндә, аның иҗаты белән тулысынча танышып чыгарга кирәк.

Бабамның әсәрләрен яратып укыйм. Дөресен әйткәндә, армиядә хезмәт иткән чакта ныклап укый башладым. Аның иҗатыннан иң яратканым – “Бер малай, өч аргамак” әсәре. Анда язылган армия хәлләре миңа бик якын иде, безнең белән дә нәкъ шундыйрак хәлләр булды. Төп геройның язмышы белән үземдә уртаклык таптым, анда үземне күрдем. Гомумән, аның әсәрләрен аңлап, тоеп укыйм, образларны тулаем күз алдына китереп барам. Үземнең дә языштыргалап йөргән чаклар булды. Мәктәптә укыганда, язмаларым, комиксларым, әкиятләремнең берничә тапкыр “Сабантуй” газетасында басылганы булды, хәзерге көндә иҗат белән сирәк шөгыльләнәм.

Кызганыч, мин туганда, бабам юк иде инде, аның белән аралашырга насыйп булмады. Әгәр күрү мөмкинлеге булса, аңа иҗаты өчен рәхмәт әйтер идем.

Бабам, гаиләдәге хатын-кызларны сыйлар өчен, ел да 8 Март көнне, иртән торып, коймаклар әзерли торган булган. Нинди кеше булуын шушы гади бер мисалдан да аңларга мөмкин.
Фаил Шәфигуллин (1939 - 1982) – шагыйрь, прозаик, СССР Язучылар берлеге әгъзасы.
Әдәби хезмәттәге уңышлары өчен «Хезмәттәге батырлык өчен» медале һәм Татарстан АССР Югары Советы Президиумының Мактау грамотасы белән бүләкләнә.

Кайбер әсәрләре: “Акмөгез”, “Тамгалы бүре”, “Ислемай” хикәяләре, “Бер малай, өч аргамак”, “Бәхет йолдызы астында” повестьлары.

Зилә Сабитова
Фотолар Сәйдәш Камалиевның шәхси архивыннан алынды




ТАГЫН УКЫРГА: 


ЗӨЛӘЙХА КАМАЛОВА (Нурихан Фәттах оныгы): “ҮЗЕМ САЙЛАП ЯЗУЧЫ ОНЫГЫ БУЛМАДЫМ”


МИЛӘҮШӘ ЗАКИРОВА (Аяз Гыйләҗев оныгы): “МИН БАБАМНЫҢ КЕЧКЕНӘ КУЯНКАЕ”

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1949
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019