РЕЗЕДА ХАБИБУЛЛИНА ШИГЫРЬЛӘРЕ

Сагындым

Сагындырды, әнием, назлы карашларың,
Сагындырды җылы кочагың.
Һәрчак уйлап, балаларым, диеп,
Өзелеп тора синең бар җаның.

Сагындырды, әнием, нурлы елмаюың,
Сагындырды матур тавышың.
Без кайтуга тәмле сыйлар әзерләгән
Йомшак, җитез, нәфис кулларың.

Сагындырды, әнием, кайтам әле,
Очрашулар ешрак, күп булсын.
Күңелебездә туган рәхмәт хисе
Сезгә хөрмәт аша чагылсын.

***

Елмаеп ла карыйсым килә,
Яратып сүз башлыйсым.
Хәзер син тормышым бизәге,
Жаным, дип кабатлыйсым.

Синең күзләреңдә шаянлык,
Кулларыңда минем кул.
Уйларым мизгелдә тукталды,
Һәрчак син янымда бул.

Тынычлыгың белән бүлештең
Иңемә башын салып.
Йөрәк тибә, без бит бергә, дип,
Шушы минуттан алып.

***

Тирә-якта тормыш бара гөрләп,
Һәрберсенең бар үз язмышы.
Кемдер яңа туар көнне көтә,
Кемдер арып эштән кайтышы.

Боегырга бирәм җаныма,
Шатланырга бирәм җаныма.
Гомерләрне бергә кичәргә
Килеп җит син минем яныма.

Салкын яңгырдан соң көтәргәме
Җылытуын кояш нурының.
Янган йөрәкләргә теләр идем
Чын күңелдән сөю булуын.

Туган авылым

Туган авылым – кечкенә,
Кечкенә дә төш кенә.
Чишмәсенә төш кенә,
Тәмләп суын эч кенә.

Кырларына чык кына,
Бодай-арыш күрерсең.
Аның чиста саф һавасын
Шунда сулап йөрерсең.

Авылымның тирә-ягын
Яшел урман каплаган,
Әтием дә тормыш юлын
Менә шунда башлаган.

Резеда Хабибуллина

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 21 сентябрь 2020 - 13:02
    ҮКЕНЕЧ ...«Тагын бабай саташып ята инде!» – дип уйлап куйды Камил, ыңгырашкан тавыш ишеткәч. Компьютерда барган атышлы уенын туктатып торырга мәҗбүр булган малай, өстәл артыннан кузгалмыйча гына, бабасы яткан почмакка таба борылды. «Нәрсә булды инде тагын?! Ник җүләр шикелле акырасың!» – диде ул, ачулы күзләрен кечерәеп калган, бөгәрләнеп яткан картка төбәп.
    1561
    0
    10
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    957
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    812
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019