“ТРУД-КРУТ”, ЯКИ ИҢ ЯХШЫ СТУДЕНТЛАР ОТРЯДЫ КАЙСЫ?

Җәй җимертеп эшләсәң, көзен татлы җимешен татыйсың. Студентларның хезмәт отрядларына җәйге, кызу сезонда гына түгел, ел әйләнәсе, тиен кебек, тәгәрмәчтә әйләнергә кирәк. Чөнки үзеңнең тонуста булуыңны башкалар алдында әллә ничә тапкыр дәлиллисе бар.

24 октябрьдә Казанның «Эрмитаж» концерт-холлында «Труд-крут» профессиональ осталык конкурсы җиңүчеләрен бүләкләделәр. Өч көн дәвамында Россиянең 46 төбәгеннән килгән командалар иң яхшы студент отряды исемен алу өчен көрәште. Алар – төзелеш, педагогика, медицина, сервис һәм проводниклар студент отряды вәкилләре.

– Сез – безнең илнең яңа тарихы. Мин сезнең һәрчак алга баруыгызны, оптимизмны, үз-үзегезгә ышанычны саклап калуыгызны телим, – ди Татарстан Премьер-министры урынбасары Ләйлә Фазлыева.

Татарстанның яшьләр эшләре министры Дамир Фәттахов та студентларны Бөтенроссия конкурсында катнашулары белән котлады.

– Безнең министрлык студентларның хезмәт отрядларына һәрчак ярдәм кулы сузды. Алга таба да бу эш бары тик ныгыячак кына. Чөнки шушы студотрядлардагы егет-кызлар көче белән илебездә масштаблы проектлар тормышка ашырыла. Әгәр күпләрнең тарихта эз калдыру хыялында гына булса, сез моны инде эшләдегез һәм үзегез белән горурлана аласыз. Нинди генә очрак булмасын, иң мөһиме – дуслар һәм фикердәшләрнең ярдәмен тою һәм аңа таяна алу. Һәрвакыт яңа эшне булдырып карарга омтылыгыз, чөнки ул – сезнең потенциалыгызны куллану өчен менә дигән мәйданчык, – диде министр.

Ярышлар нәтиҗәсе буенча, төзелеш юнәлешендә 1 урынны – Үзәк, 2 урынны – Себер, 3 урынны Урал федераль округлары алды. Медицина юнәлешендә Татарстан бүлеге өченче урынга лаек булды. Педагогик юнәлештә Мордовия бүлегенә тиңнәр булмады. Сервис отрядлары арасында «Иң яхшы официант», «Иң яхшы бармен” номинацияләрендә ярыштылар, ә “Пешерүче”, “Хезмәтче” номинацияләре буенча сынаулар әле беренче тапкыр узды. “Пешерүче” номинациясендә икенче урынны – Татарстаннан Владислав Трудов, “Хезмәтче” номинациясендә икенче урынны Анастасия Духтанова алды. Команда исәбендә беренче урынны Идел буе, икенче урынны – Урал, өченче урынны Себер федераль округлары яулады.


Фотолар Татарстан Республикасының Яшьләр эшләре министрлыгы сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2020 - 14:23
    ВАСЫЯТЬ Бер авыл балалары, араларында бер яшь кенә аерма булган Мәдинә белән Дания, бәләкәйдән җитәкләшеп, бергә уйнап үстеләр. Барлы-юклы уенчыклары белән бүлештеләр. Өч тәрәзәле, бәләкәй генә, җиде җанны сыйдырган кысан өйдә үскән Дания күп вакытын Мәдинәләрнең иркен, якты өендә үткәрә иде. Мәдинәнең әнисе дә, бу ике кызның саф дуслыгына сөенеп, Данияне үз кызыдай якын күрде.      
    3019
    1
    32
  • 12 май 2020 - 15:16
    ҖАНЫҢНЫ БИРСӘҢ ДӘ... Илназы Ходайдан сорап кына алган баласы булды Тәслимәнең.  Ире Хариска чыккач та сигез ел буена балага уза алмады ул. И ул чакта күргәннәре!.. Кайларда гына бармады, кемнәргә генә күренмәде. Багучылар, фал ачучылар, дәвалаучылар калмады. Врачлар турыдан-туры өметеңне өз дигәннәр иде инде.
    2410
    0
    19
  • 15 май 2020 - 14:45
    ЮЛ Яңгыр ява. Ишеп тә, биткә бәреп тә түгел — сибәләп... Салкын пар кебек, тавышсыз-тынсыз гына, әмма үзәкләргә үтәрлек итеп... Бигрәк тә олы юл чатында басып торганда, болай да еларга тулышкан җаныңа дым булып сеңә бу яңгыр...
    1869
    0
    17

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019