“ЧИСТА” ИНТЕРНЕТНЫ ҮСТЕРҮ ӨЧЕН ГРАНТ!

Вакытыңны берөзлексез Интернет белән үткәрәсеңме? Безнең буын – технологияләр белән үсә торган беренче буын. Әмма аның да үз куркыныч яклары бар икән...

Интернет аша үсмергә наркотиклар, проституция яки башка әйберләр «йога» ала. Андый ситуацияләрне ничек булдырмаска – волонтер Әдилә Гафиятуллина шуның турында сөйләргә булды.

19 яшендә Әдилә «Цифровая гигиена» проектын булдыра! Әлеге проект яшүсмерләрне интернетта саклауга багышланган. Волонтерлар командасы яшьләргә видеоролик, мемнар һәм социаль челтәрләрдәге бренд аша интернет киңлекләрендә хисләр белән түгел, ә акыл белән эш итәргә ярдәм итәчәк. Проект #Росмолодежьның грантына ия булып, чынга ашырылачак.

– Әдилә, проектның асылы нәрсәдән гыйбарәт?

– Әлеге проектның идеясе шундый: яшүсмерләр шик тудыра торган сайтларга кермәсеннәр, буллингтан һәм алдаучылардан качсыннар, социаль челтәрләрдәге биттә үзләре турында күп шәхси мәгълүмат сөйләмәсеннәр. Яшьләргә үз интим характерлы сурәтләрен яки биек катлы йорт өстендә төшкән фотоларын социаль челтәргә куйганда куркыныч яный. Без идея турында блогерлар аша да, онлайн һәм офлайн дәресләр аша да бүлешәчәкбез.

Социаль челтәрләрдә буллинг нинди формада чагыла? Әлеге мәгълүмат сиңа нык тәэсир итәме?

– Һәр көнне социаль челтәрләрдә кирәкмәгән мәгълүмат күрәм: артык гәп корулар, бәхәсләр. Кешеләр моңа ничек сабыр була ала икән?

Әгәр миңа каршы «Вконтакте»да гаепләүләр җыела башласа, нишләргә?

– Беренче чиратта, башка кулланучыларны гаепләмәскә, әгәр сине гаеплиләр икән – уйланырга. Син чыннан да яхшы кешеләр белән аралашасыңмы? Үз-үзең белән намуслы бул! Икенчедән, шаккатыргыч пост өчен җавап бирергә әзер бул. Конфликтка керсәң инде, үз урыныңны күрсәтергә кирәк: «Мин аңлыйм: сезгә минем турында сөйләшергә бик кызык. Әмма минем кайсыдыр эш белән шөгыльләнергә тулы хокукым бар».

Әлеге проект синең волонтерлык белән шөгыльләнүеңә барып тоташа. Волонтер булган чакта нинди нәтиҗәләр ясадың?

– Мин Җиңү волонтеры булдым, шулай ук быел волонтер буларак БДБ уеннарына язылдым. Ачышларыма карата, һәр кешедән яңалык табып була! Шулай да берничәсен әйтеп куям. Әгәр кеше ярдәм итәргә теләми икән, аңа әлеге ярдәмне көчләп бирергә кирәкми. Чыннан да, ярдәмнең кирәк булуын аңлатырга була, әмма мәҗбүр итә алмыйбыз. Тагын бер нәтиҗә: кешене тулысынча үзгәртеп булмый. Аның үзенә мөнәсәбәтен үзгәртеп кенә була!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2484
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2319
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1966
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019