Логотип Идель
Белми калма

Татарстан Хөкүмәте кубогына картинг буенча ярышлар уза

1 июнь көнне Казанда Татарстан Хөкүмәте кубогына картинг буенча ярышлар уза. Халыкара балаларны яклау көненә багышланган бу турнир республикада ундүртенче ел рәттән уздырыла. Анда үз көчләрен сынарга республиканың бөтен районнарыннан да малайлар һәм кызлар киләчәк.

Оештыручылар хәбәр итүенчә, ярышлар ике яшь категориясендә һәм класста уза - Honda GX 200 6,5 а.к. (8-12 яшь) һәм Honda GX 270 9 а.к. (12-16 яшь), командалар арасында да, шәхси зачетлар да саналачак.

Яшь спортчыларны котларга ТР Премьер-министрының урынбасары Ләйлә Фазлыева, "Юлда йөрү куркынычсызлыгы" дәүләт бюджет оешмасының директоры Рифкат Миңнеханов, Татарстанның спорт министрының урынбасары Айрат Ахмеров киләчәк.

Ярышлар "Форсаж" картинг-клубында уза. Узышлар иртәнге 8.00дә квалификация заездлары белән башланса, сәгать 13.00 дә финал заездлары көтелә.

Следите за самым важным и интересным в Telegram-каналеТатмедиа

Нет комментариев