РОССИЯ ХАЛКЫ: «ГАИЛӘДӘ 2-3 БАЛА БУЛЫРГА ТИЕШ»

Җәмгыять фикере фонды сораштыру уздырган. Алар Россия халкыннан: “Идеаль гаиләдә ничә була булырга тиеш?” – дип сораганнар.

Нәтиҗәләр нинди?

Россиялеләрнең күбесе идеаль гаиләдә 2 яки 3 бала булырга тиеш, дип саный. Ә инде үзләрендә ни өчен 2-3 бала булмавын алар төрлечә аңлата. Төп каршылыкларның берсе булып стабиль булмаган керем (23%), торак урыны булмау (21%) һәм балалар өчен кирәк-яракларга бәяләрнең кыйммәт булуын (21%) әйткәннәр.

Сораштыруда 18-45 яшьлек хатын-кызлар һәм 18-55 яшьлек ир-атлар катнашкан.

Респондентларның 41%ы әгәр шартлар булса, ике бала алып кайтырга риза булуын белдергән. Өч баланың әти-әнисе булырга 30%, 4 баланың әти-әнисе булырга 15% кеше риза икән.

Гаиләләрендә 3 бала булуын 49% ир-ат тели икән. Шул сандагы хатын-кызлар ике бала анасы булырга теләүләрен белдергән. Яхшы шартлар, акча, торак урыны булган очракта да, 6% кеше 1 генә бала алып кайтырга теләүләрен әйткән.

Сораштыру барышында тагын шул ачыкланган: әлегә балалары булмаган 35% кеше ике бала тәрбияләп үстерергә, бер балалары булган 36% кеше тагын бер бала алып кайтырга әзер булуларын җиткергән. Ә менә инде 2-3 балалары булучылар бүтән бала алып кайтырга җаенмый икән.

Тагын нинди саннар бар?

Респондентларның 47%ы соңгы 10 елда илдә балалар алып кайту өчен шартларның яхшыруын әйткән. Аларның 43%ы бу тенденция алга таба да сакланыр дип ышана. Сораштыруда катнашучыларның 65%ы бала алып кайтуга Дәүләттән булган ярдәм зур йогынты ясый, дип саный. Ә менә 31% кеше алай уйламый икән. Чынлыкта бары тик 13% кешенең генә баланы Дәүләттән ярдәм алу өчен алып кайтканы билгеле булган. Иң зур ярдәм дип россиялеләр ана капиталын (60%), ипотеканың бер өлешен каплау (48%) һәм декрет акчасын (46%) саный.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: