НИНДИ ПРОДУКТЛАРГА БӘЯ АРТАЧАК?

Россия халкын кайбер продуктларга бәя артачак, дип кисәтәләр. Нәрсәләргә бәя арта?

Коронавирус белән бәйле һәм сумның курсы төшү сәбәпле, бәяләр 5-20%ка кадәр артырга мөмкин. Бу мәгълматны «Руспродсоюз»ның башкарма директоры Дмитрий Востриков хәбәр итә.

Нәрсәләрнең бәясе артачак?

Консервланган продукцияләр, каһвә, чәй, какаоның бәясе 20%ка артачак. Әлеге товарларның күбесе чит илләрдән кайтартыла. Ә бәянең артуы доллар курсының үзгәрүенә бәйле. Макарон (токмач) бәясе дә 5-15%ка күтәрелә. Шулай ук ипинең дә хагы артачак. Бу яңалык он кулланып әзерләнә торган башка азык-төлеккә дә карый.

Икмәкнең бәясе ник арта?

Икмәк бәясе күтәрелүнең сәбәбе булып транспорт компанияләре чыгымнарының артуы тора. Март башыннан алып саннар ике тапкырга арткан. Белгечләр әйтүенчә, икмәкнең үзбәясе 5-7%ка кыйммәтләнгән. Әмма кибетләр, үзләре куя торган өстәмә түләүне (наценка) киметеп, бу сумманы бераз көйли ала.

Яхшы хәбәрләр дә бар

Балык союзында да (Рыбный союз) бәяләрнең артачагы турында әйтәләр. “Бу – котылгысыз, - ди алар, - чөнки транспорт чыгымнары, хезмәткәрләрнең куркынычсызлыгын тәэмин итү дә кыйммәтләнде”.

Берәмләп сату компанияләре ассоциациясендә (АКОРТ) бәяләрне булдыра алганча тешләми торган итеп куярга вәгъдә итәләр. Иң беренче чиратта кирәкле булган товарларга кибетләрдә өстәмә түләү (наценка) бөтенләй куелмый башларга да мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2541
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    685
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    608
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019