Мини-крендель, бутерброд, шоколад: әти-әниләре укучыларга мәктәптә нәрсә алуны тыя?

Син мәктәпкә баргач, ашханәдә берәр «тәмлүшкә» күрсәң, тизрәк алырга ашыгасың. Ә Мәскәү укучыларына авыз суларын агызып утырырга гына туры килә. Чөнки әти-әниләре мәктәп ашханәсендәге кайбер ризыкларны алуны тыйган!

21,5 меңгә якын Мәскәү укучысының әти-әниләре «Москвенок» браслетлары буенча баллы әйберләрне һәм газлы суны алуны тыя. Әгәр мәктәптә «Керү һәм туклану» системасы булган очракта, бу продуктларны сатып алуны блокировкага куярга мөмкин икән. Һәм моның өчен әти-әнигә мәктәпкә килеп йөрү дә мәҗбүри түгел икән. Моның турында Мәскәү  мэры сайты хәбәр итә.

– Хәзер укучыларга тозлы ипи таяклары, мини-крендель, ветчиналы бутерброд, шоколадлы кәнфит һәм фигуралар сатып алуны блокировкага куялар. Әти-әниләр туңдырма, эчендә уенчык булган шоколадлы йомырка, тавык ите, сыр яки ветчинадан ясалган бурек, баллы газлы суны да сатып алуны тыя, – дип аңлата Мәскәүнең Мәгълүмати технологияләре департаментының матбугат үзәге.

2016-2017 уку елында 10400 укучының әти-әнисе шоколад кәнфитләр, шоколад, пицца, бутерброд, печенье һәм пирожное, камыр ризыклары, составында сок булган эчемлекләр, баллы сулар, сагыз, снек, мармелад алуны тыйган булганнар.
Белешмә:

«Керү һәм туклану» проекты Мәскәү мәктәпләрендә 2012 елдан бирле эшли. Электрон карта яки браслет ярдәмендә укучылар мәктәпкә керә, ашханә яки буфетта ризык сатып алырга мөмкин. Әти-әниләргә бу сатып алуларның һәрберсе турында мәгълүмат килеп тора.

Хәзер әлеге система белән 1,2 миллион кеше куллана. Аңа 3,5 мең мәктәп тоташтырылган. Бу – Мәскәү мәктәпләренең – 90, ә балалар бакчаларының 70 проценты. Электрон карта һәм браслетлар 850 мең укучыны, баласы балалар бакчасына йөрүче 680 мең әти-әнинең, белем бирү учреждениеләренең 160 мең хезмәткәрендә бар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2472
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2313
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1959
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019