Курчак театрында премьера: «Җырла, курай!.. Уйна, Шомбай!»

Курчак театры нәни тамашачылар өчен «Җырла, курай!.. Уйна, Шомбай!» дип аталган яңа спектакль әзерли. Ул татар әкиятләре буенча куелачак. Премьера 28 һәм 29 июнь көннәренә билгеләнгән.

«Әкият» татар дәүләт курчак театры татар әкиятләренә нигезләнеп яңа спектакль чыгара. Пьесада төрле жанрлардагы биш әкият кулланылган. Болар - «Шомбай», «Өч күгәрчен», «Зөһрә кыз», «Батыр тегүче» һәм «Сандугач» әкиятләре. Пьесаны татарчага Татарстаның халык язучысы Ркаил Зәйдулла тәрҗемә иткән.

Режиссер Светлана Дорожко куйган бу спектакльдә ир-атлар гына уйныячак. Спектакль ике труппада да чыгарылачак. Режиссер куелышта этник уен коралларын – гөслә, курай, думбыра, кубыз һәм дәфне куллана. Традицион көйләрне сайлау буенча фәнни консультант буларак командага Казан консерваториясе доценты Геннадий Макаров чакырылган. Ул артистларны этник уен коралларында уйнарга да өйрәткән.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
«УНБЕРЕНЧЕ ӘХМӘТ» ӘКИЯТЕ
628
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
689
0
0
Иҗат
МОҢЛЫ ЧИШМӘ КАЙТАВАЗЫ
1001
0
0